Luka 16:31 - MUMA MALER 2015

³¹ Ibrahim to nokone niya, ‘Ka ok ginyal winjo weche Musa kod Jonabi, to ok giniwinj kata mana ng’at mochier oa kuom joma otho!’ ”

Motingʼo Loko Manyien

³¹ “Nowachone ni, ‘Ka ok ginyal winjo Musa gi Jonabi, ok ginyal yie winjo kata ngʼato mochier oa kuom joma otho.’ ”

Luka 16:31 ပူးပေါင်းရင်းမြစ်များ

Chakruok 9:27

Nyasaye mondo omed Jafeth, kendo nyikwaye mondo odag gi joka Shem. To Kanaan obed misumba Jafeth.”

Luka 16:30

To en nowacho ni, ‘Ooyo wuonwa Ibrahim! Ka ng’at moa kuom joma otho odhi irgi, eka digilokre.’

Luka 17:1

Yesu nowacho ni jopuonjrene niya, “Gik mamiyo ji donjo e richo ok nyal bare mak obetie. To mano kaka nobed malit ni ng’at makelogi!

Johana 5:47

To ka ok uyie weche mane Musa ondiko, to ere kaka duyie wachna?”

Tich Joote 19:8

Kuom dueche adek, Paulo nodhi e od lemo mar jo-Yahudi pile, kendo nowuoyo gi chir, kotemo loko ji mondo oyie ni gima onyisogi kuom Loch Nyasaye en adier.

Tich Joote 26:28

To Agripa nowachone ni, “Iparo ni inyalo loka abed ja-Kristo gi kinde matinni?”

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.

2 Jo-Korintho 4:3

Watimo kamano nikech ka Wach Maber mwalando ogeng’ore, to ogeng’ore mana ni joma lal.

2 Jo-Korintho 5:11

Wang’eyo ni tiend luoro Ruoth en ang’o, emomiyo wayuayo ji. Nyasaye ong’eyo chutho ngimawa kaka chal, kendo ageno ni un bende ung’eyowa maber e chunyu maiye kaka wachal.