Luka 16:14 - MUMA MALER 2015

¹⁴ Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Motingʼo Loko Manyien

¹⁴ Jo-Farisai mane ohero pesa nowinjo magi duto kendo neginyiero kagijaro Yesu.

Luka 16:14 ပူးပေါင်းရင်းမြစ်များ

Zaburi 119:51

Josunga osebutona ahinya, to pok aleng’ora maweyo chikni.

Isaya 53:3

Ji ne ojare, kendo okwere. Ne ne ng’at ma neno chandruok, kendo mong’iyo gi rem. Adier, ne wajare, mi wakwane ka gima nono, ma, ka ng’ato oneno, to loko wang’e kucha.

Isaya 56:11

Adier, gichalo guogi mowuor ma ok yieng’! Gin jokwath ma ok ong’eyo gimoro. Moro ka moro dhi e yore owuon, kadwaro ohande kamoro amora monyalo yudee.

Jeremia 6:13

“Ji duto madongo gi matindo temo yudo pesa e yore mag miganga, kata mana jonabi gi jodolo bende migengni.

Jeremia 8:10

Kuom mano mondgi kaachiel gi puothegi abiro miyo jomoko nono. Ji duto, madongo gi matindo, temo yudo pesa e yore mag miriambo, kata mana jonabi gi jodolo duto bende jomriambo,

Ezekiel 33:31

Kuom mano joga chokore mondo owinj gima iwacho, to kata obedo ni iwachonigi gima onego gitim, to ok gitim. Miriambo ema gihero kendo pesa ema giketoe chunygi.

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Mathayo 9:24

Nowachonigi niya, “Wuoguru uduto! Nyako ok otho, to onindo aninda.” To giduto ne ginyiere anyiera.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Luka 20:47

Gin joma yako ut mond liete, ka giriasore gi lemo moyware. Gininwang’ kum marach moloyo!”

Luka 23:35

To ji mang’eny ne ni kanyo, kaneno gima timore, kendo jodong jo-Yahudi nonyiere, kawacho ni, “Noreso jomoko, omiyo ka en e Mesia ma Nyasaye oseyiero adier, to mondo oresre ane!”

Luka 8:53

To giduto ne ginyiere anyiera, nikech ne ging’eyo ni nyathi osetho.

2 Timotheo 3:2

Ji nobed joma oherore kendgi giwegi, kendo ma ohero pesa. Ginibed joma wuorore kendo ma jong’ayi, kendo ma yanyo ji. Bende ok giniwinj jonywolgi, bende ok ginibed joma goyo erokamano, kata joma oluoro Nyasaye.

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.