Luka 15:27 - MUMA MALER 2015

²⁷ Jatich nodwoke niya, ‘Owadu odwogo, kendo wuoru oseyang’one nyarwath machwe, nikech odwogo kongima maber.’

Motingʼo Loko Manyien

²⁷ Nodwoke ni, ‘Owadu osedwogo, to wuonu osenego nyarwath machwe nikech osedwogo kongima kendo maber.’

Luka 15:27 ပူးပေါင်းရင်းမြစ်များ

Mathayo 22:4

Omiyo nochako ooro jotich mamoko, kowachonigi ni mondo ginyis joma oluonggo niya, ‘Nyasi oseikore, kendo aseyang’o ruetha gi jamba moko machwe, kendo gik moko duto oselosi. Omiyo biuru e kisera.’

Luka 15:26

Omiyo ne oluongo achiel kuom jotich, mopenjo gima timore.

Luka 15:28

To mirima nomako wuowi maduong’, mi otamore donjo e ot, omiyo wuon mare nowuok, mohombe mondo odonji.

Luka 15:30

To koro ka wuodi mosechamo mwanduni duto gi jochode obiro, to iyang’one nyarwath machwe!’

Tich Joote 22:13

Ne obiro ira mochung’ buta, kendo owacho na ni, ‘Owadwa Saulo! Chak inen kendo!’ Gikanyono ne achako aneno, mi ang’iye.

Tich Joote 9:17

Kuom mano, Anania nodhi modonjo e odno. Noketo lwete kuom Saulo, mowachone ni, “Owadwa Saulo, Ruoth Yesu mane ofwenyoreni e yo kibiro ka, oseora iri mondo ichak inen, kendo ipong’ gi Roho Maler.”

Filemon 1:16

To koro ok oduog mana kaka misumba kende, to oduogo ka ng’ama oloyo misumba, nikech osedoko owadu ma ihero kuom Kristo. An owuon ahere, to in ema ibiro here moloyo, nikech ibiro here kaka dhano, kendo ibiro here kaka owadu kuom Ruoth!

1 Samuel 28:24

Dhakono ne nigi nyarwath machwe e ot kanyo. Noreto moyang’o nyarwadhno piyopiyo. Bende nokawo mogo, modwalo, kendo olosogo makati, ma ok oketie thowi.