Luka 15:25 - MUMA MALER 2015

²⁵ “E kindeno noyudo ka wuowi maduong’ ni oko e puodho, to kane odwogo mochopo machiegni gi dala, nowinjo ka thum ywak, kendo ji miel.

Motingʼo Loko Manyien

²⁵ “E kindeno, noyudo ka wuowi maduongʼ ni e puodho. Kane obiro machiegni gi ot nowinjo wer gi miel.

Luka 15:25 ပူးပေါင်းရင်းမြစ်များ

2 Samuel 6:14

Nomiel aduwa e nyim Ruoth Nyasaye gi tekre duto, korwakore gi law dolo.

Zaburi 126:1

Kane Ruoth Nyasaye odwokowa Sayun, to ne chalonwa mana lek!

Zaburi 149:3

Denduru nyinge ka umiel. Adier, gouru bul kod thum, kupakego,

Zaburi 150:4

Pakeuru kugoyo bul, kendo kumiel. Dendeuru gi thum kod asili,

Zaburi 30:11

Iseloko kuyo mane an go odoko ilo, bende iselonyo lepa mag ywak, mi imiya lewni mag mor.

Wuok 15:20

Miriam janabi ma nyamin Harun nokawo bul, kendo mon duto nowuok moluwo bang’e, ka goyo bul kendo miel.

Eklesiastes 3:4

kinde mar kuyo, gi kinde mar mor, kinde mar ywak, gi kinde mar miel,

Jeremia 31:4

Jo-Israel, abiro chako gerou, kendo ubiro tueyo gara, mi umiel gi ilo.

Luka 15:24

nikech wuodani ne osetho, to koro ongima kendo ne olal, to koro onwang’e.’ Kamano ne gichako timo nyasi ka gimor.

Luka 15:26

Omiyo ne oluongo achiel kuom jotich, mopenjo gima timore.

Luka 7:32

Gichalo mana nyithindo matugo e pap, ma moko kok ni jowadgi ni, ‘Nende wagoyonu thum, to ne utamoru miel. Bende ka nende wagoyonu nduru, to ne udagi ywak!’