Luka 15:18 - MUMA MALER 2015

¹⁸ Abiro dhi kawuora, mi awachne ni, “Wuora, aseketho e nyim Nyasaye kendo e nyimi,

Motingʼo Loko Manyien

¹⁸ Abiro wuok kendo adog ir wuora mi anawachne ni: Wuora, asetimo richo e nyim polo kendo e nyimi.

Luka 15:18 ပူးပေါင်းရင်းမြစ်များ

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

Zaburi 25:11

A Ruoth Nyasaye, rit singruokni, mondo iwena richona, nikech ging’eny ahinya.

Ngeche 23:13

Kik iwe nyathi mak ikumo, nimar chwat ok nyal nege!

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Jeremia 3:19

“Un jo-Israel aseyie kawou ka yawuota, mondo amiu piny maberie moloyo pinje mamoko duto. Ne aparo ni ubiro luonga ni wuonu, kendo ok nuchak uweya.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Ywagruok 3:29

Onego obolre chuth, nikech kamoro dipo ka oresore.

Ywagruok 3:40

Ber wanon timbewa, kendo wapar ane kaka gibet, eka wadog ir Ruoth Nyasaye.

Daniel 4:26

“To bende ineno ka malaika ogolo chik ni mondo osiki kochung’ e lowo. Mano nyiso ni inichak ibed ruoth kendo, ka iseyie ni Nyasaye ema nigi loch e piny ngima.

Jona 2:4

Naparo ni oriemba e nyimi, kendo ni ok nachak ane Hekalu mari maler.

Jona 3:9

Kamoro Nyasaye dipo ka olokore moweyo mirimbe, mi ok watho.”

Mathayo 3:6

Ne gihulo richogi, kendo nobatisogi e aora Jordan.

Mathayo 6:14

“Ka uweyo ni ji richogi, to un bende Wuonu mae polo nowenu richou.

Mathayo 6:9

“To un onego ulem kama: Wuonwa manie polo, nyingi mondo omi luor.

Mathayo 7:11

Koro, ka un joma richo kama ema ung’eyo miyo nyithindu gik mabeyo, to Wuonu mae polo donge dibed mamor kuom chiwo gik moko mabeyo ni joma okwaye?

Luka 11:2

Yesu nowachonigi ni, “Kulemo, to wachuru kama: Wuonwa, nyingi mondo omi luor. Lochni obi.

Luka 15:17

Eka parone nodwogo kare, mi owacho e chunye niya, ‘Jotich wuora duto nigi chiemo mohingogi, to an kech nega ka!

Luka 15:19

ok awinjora koro mondo iluonga ni wuodi, to keta abed achiel kuom jotichni.” ’

Luka 15:21

Eka wuowino nowacho ni wuon niya, ‘Aseketho e nyim Nyasaye, kendo e nyimi. Ok awinjora koro mondo iluonga ni wuodi.’

Luka 18:13

Jasol osuru to ne ochung’ gi chien kendo ne pok ohedhore kata mana ting’o wiye mondo orang polo, to noywagore malit, kowacho ni, ‘A Nyasaye, yie ikecha, an ma an jarichoni.’ ”