Luka 15:17 - MUMA MALER 2015

¹⁷ Eka parone nodwogo kare, mi owacho e chunye niya, ‘Jotich wuora duto nigi chiemo mohingogi, to an kech nega ka!

Motingʼo Loko Manyien

¹⁷ “Kane parone odwogone, nowacho ni, ‘Jotij wuonwa adi man-gi chiemo moromogi, madongʼ, to an to kech chama monego atho!

Luka 15:17 ပူးပေါင်းရင်းမြစ်များ

Zaburi 119:59

Aserango timbena, mi asingora ni nyaka aluw chikeni.

Zaburi 73:20

A Ruoth Nyasaye, gichalo lek malal nono gokinyi, ma, kichiew, to wiyi osewilgo.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Jeremia 31:19

Kata obedo ni ne wabaro mi waweyi, to piyopiyo nono ne wadwaro duogo. Kane isekumowa, to ne wakulo wiwa kwakuyo. Wiwa ne okuot ka chunywa lit, nikech richo mane watimo kapod wayom.’

Ywagruok 1:7

Jerusalem paro ndalo mane onenoe chandruok kod chuny lit, kane wasigu omako joge, to onge ng’ama nobiro mondo okonye. Wasike ne ogoyone siboyi, koneno ni osepodho.

Ezekiel 18:28

nimar ne oneno ni timbene mono, mi oweyo, omiyo ok enotho, to enobed abeda mangima.

Hosea 2:7

Ka olawo chodene, to ok nojukgi, kendo ka omanyogi, to ok noyudgi. Bang’e nowach niya, ‘Abiro dok ni chwora kendo, nikech ne aneno maber ka wan kode moloyo kaka obet sani.’

Luka 15:16

Nogombo mondo ocham opokla mane ngurue chamo, to bende onge ng’ama nomiye gimoro.

Luka 16:23

Kane en e Piny Joma Otho kisande malit, noting’o wang’e moneno Ibrahim gi kuma bor, kod Lazaro kobet e bathe.

Luka 8:35

Eka ji nowuok mondo odhi one ane gima osetimore. Ne gibiro ir Yesu, mi ginwang’o ng’at mane jochiende owuok kuomeno kobet piny e tiend Yesu, korwakore, kendo ka wiye koro ber, mi giduto ne gidoko maluor.

Tich Joote 12:11

Bang’ mano, Petro nofwenyo gima osetimorene, mowacho ni, “Koro ang’eyo ni en adier! Ruoth Nyasaye oseoro malaikane moresa kagola e teko Herode, kendo kuom gik moko duto mane jo-Yahudi dwaro timona.”

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

Jo-Efeso 5:14

nikech gima kite onenore malong’o e lela, lokore ler. Mano emomiyo iwero niya, “In ma inindo, chiew! Chier, ia kuom joma otho, mondo Kristo orieny kuomi.”