Luka 15:16 - MUMA MALER 2015

¹⁶ Nogombo mondo ocham opokla mane ngurue chamo, to bende onge ng’ama nomiye gimoro.

Motingʼo Loko Manyien

¹⁶ Nogombo mondo ocham opokla ma anguro chamo, to bende onge ngʼato mane omiye gimoro.

Luka 15:16 ပူးပေါင်းရင်းမြစ်များ

Ayub 30:4

Ne ging’wedo buya mae thim, to gichamo. Tiende yien maonge ndhadhu bende ne chiembgi.

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Zaburi 73:22

to ne abedo mofuwo ka dhiang’ e nyimi.

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Isaya 57:3

To un nyithind ajuoga, biuru ka! Ee, un koth ng’at ma jaterre kod dhako ma jamganga, suduru machiegni!

Ywagruok 4:5

Joma yande chamo chiemo mabeyo koro ojwang’ e wang’ yore. Jogo mane odak e ngima maber, koro kwanyo chiemo mana e pidh yugi.

Hosea 12:1

Gik moko ma jo-Israel timo, chakre okinyi nyaka otieno, gin gik manono kendo mahinyo ji. Miriambo kod timbe mag mahundu medore ameda kuomgi. Gitimo winjruok gi jo-Asuria, kendo gichiwo mor zeituni ni jo-Misri mondo okonygi.

Mathayo 7:6

“Kik umi guogi gik maler, nimar dipo ka gilokore, gikayou. Bende kik ubol kiteu ma nengogi tek ni nguruwe, nono to ginyonogi gi tiendgi.

Luka 15:15

Kuom mano, nodhi mondo oti ni japinyno moro, mi jalo nokete jakwa ngurue.

Luka 15:17

Eka parone nodwogo kare, mi owacho e chunye niya, ‘Jotich wuora duto nigi chiemo mohingogi, to an kech nega ka!