Luka 15:15 - MUMA MALER 2015

¹⁵ Kuom mano, nodhi mondo oti ni japinyno moro, mi jalo nokete jakwa ngurue.

Motingʼo Loko Manyien

¹⁵ Kuom mano nodhi mondo otine japiny moro, mi ngʼatno nokete jakwa anguro.

Luka 15:15 ပူးပေါင်းရင်းမြစ်များ

2 Weche mag Ndalo 28:22

To Ahaz achielni nomedo ketho ni Ruoth Nyasaye e ndalo mar chandruokne,

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 57:17

Kuom kinde moko, ne akecho ka aneno ketho jo-Israel. Ne agoyogi ka mirima oloya, mi apandonigi wang’a, to ne giringo ka joneko, mi gidhi kuma gin ema gihero.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Ezekiel 16:52

Kuom mano, koro wichkuot nie wiyi. Richoni dongo ahinya moloyo mag nyimineni, omiyo nyiminenigo nenore ka joma beyo. Emomiyo ting’ ating’a wichkuotni, nimar isemiyo nyimineni nenore ka joma ler!”

Ezekiel 16:63

Chieng’ ma anapuodh gik maricho duto ma isetimo, eka inipargi, mi wiyi kuodi, ma kata mana loso ok nilosi. An Ruoth Nyasaye ema awacho kamano.”

Nahum 3:6

Abiro bolo kuomi gik mochido modwanyore ka akuodo wiyi, mondo ji duto onyieri.

Malaki 2:9

Mano emomiyo an bende asemiyo jo-Israel jarou kendo chayou, nikech ok uluw chikena, to bende ka upuonjo ji wachna, to ok utimnigi machalre giduto.”

Mathayo 7:6

“Kik umi guogi gik maler, nimar dipo ka gilokore, gikayou. Bende kik ubol kiteu ma nengogi tek ni nguruwe, nono to ginyonogi gi tiendgi.

Luka 15:13

Bang’ ndalo manok, wuowi machogo noloko gige duto pesa, mi owuok odhi e piny moro mabor. Eka nodonjo e ngima mar anjawo kuno, motieko pesane duto.

Luka 15:14

Kane osetieko pesane duto kamano, kech maduong’ nowuok e pinyno, mi nodoko jachan machandore.

Luka 15:16

Nogombo mondo ocham opokla mane ngurue chamo, to bende onge ng’ama nomiye gimoro.

Jo-Rumi 6:22

To koro osegonyu e tuech richo, mi udoko wasumb Nyasaye, omiyo ohala muyudo en ngima maler, kendo gikone en ngima ma nyaka chieng’.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.