Luka 14:26 - MUMA MALER 2015

²⁶ “Ka ng’ato obiro ira, to ok ojwang’o wuon kod min, gi chiege gi nyithinde koda ka ngimane owuon, to ok onyal doko japuonjrena.

Motingʼo Loko Manyien

²⁶ “Ka ngʼato obiro ira, to ok okwedo wuon-gi kod min-gi kod chiege gi nyithinde, owetene gi nyiminene ee, kata ngimane owuon ok onyal bedo japuonjrena.

Luka 14:26 ပူးပေါင်းရင်းမြစ်များ

Zaburi 139:22

Mon ma amon go kodgi lich, kendo akwanogi ka wasika.

Kwan 10:30

To Hobab nodwoke niya, “Ok adhi kodu, ber mondo adog e pinywa kuom jowa.”

Mathayo 10:37

Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.

Luka 14:20

Ng’at moro to nowacho ni, ‘An gi miaha, omiyo ok anyal biro.’

Luka 14:25

Chieng’ moro kane oyudo ji mathoth luwo bang’ Yesu, nolokore, mowachonigi niya,

Johana 12:25

Ng’ama ohero ngimane, ngimane nolalne, to ng’ama ochayo ngimane, kendo nobed gi ngima ma nyaka chieng’.

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Jo-Rumi 9:13

Mano bende e kaka Muma wacho ni, “Ne ahero Jakobo, Esau to ne asin-go.”

Rapar mar Chik 21:15

“Ka ng’ato nigi mon ariyo, ma achiel ohero, to machielo ok ohero, to dhako ma ok oherono ema onywolone wuowi makayo,

Rapar mar Chik 33:9

Hera mane giherigo oloyo hera mane giherogo wuonegi gi minegi kod owetegi, kata nyithindgi, nikech ne giluwo mana chikeni, mi girito singruok mari maber.

Jo-Filipi 3:8

To moloyo mano, akwano gik moko duto ka gik manono, nimar gueth maduong’ mar ng’eyo Kristo Ruodha Yesu ohewo gimoro amora. Adier, ne aweyo gik moko duto olalna nikech en. Akwanogi duto mana ka yugi miwito oko, mondo ayud Kristo kaka pokna,

Fweny 12:11

Owetewa ne oloye gi remb Nyarombo kendo gi Wach Nyasaye mane gihulo, bende ne ok gidewo ngimagi nyaka kar tho.