Luka 14:22 - MUMA MALER 2015

²² To kane jatich oduogo, nowacho ni ruodhe niya, ‘Jaduong’, wasetimo kaka nende iwacho, to thuolo pod nitie mar luongo jomoko.’

Motingʼo Loko Manyien

²² “Jatich nowacho ni, ‘Jaduongʼ gima nende ichikowa osetim, to pod thuolo nitie.’

Luka 14:22 ပူးပေါင်းရင်းမြစ်များ

Zaburi 103:6

Ruoth Nyasaye ng’ado ni joma ithiro bura kare, kendo omiyogi gik ma owinjore giyudi.

Zaburi 130:7

Un jo-Israel, genuru kuom Ruoth Nyasaye, nikech herane osiko, kendo pile oikore ahinya mar reso ji.

Luka 14:21

Eka jatich nobiro monyiso ruodhe wechego. Mirima nomako wuon nyasi, mi owacho ni jatichne niya, ‘Wuogi piyo, idhi e yore gi chirni, mondo ikel joma odhier gi rang’onde gi muofni kod pudhe miyudo.’

Luka 14:23

Eka ruodhe nochako owachone ni, ‘Dhiyo e wang’yore kod gweng’ duto, iwach ni ji kijiwogi ni nyaka gibi mondo oda opong’ thich!

Johana 14:2

E dala Wuora nitie udi mang’eny, to ka da ni ok kamano, to dikoro asenyisou, to adhi mondo alosnu kar dak.

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

Jo-Kolosai 2:9

Nyasaye mangima gi kite duto odak kuom Kristo, tiende ni e ringre Kristo,

1 Johana 2:2

En e misango magolo richowa, to ok richowa kende ema ogolo, to ogolo koda ka richo mar piny duto bende.