Luka 13:27 - MUMA MALER 2015

²⁷ To enodwoku ni, ‘Awachonu ni ok ang’eyou, kata kuma uaye bende ok ang’eyo. Auru kuoma, un joma timbegi richogi!’

Motingʼo Loko Manyien

²⁷ “To obiro dwoko ni, ‘Ok angʼeyou, kata kuma uae akia. Ayiuru kuoma un jorichogi!’

Luka 13:27 ပူးပေါင်းရင်းမြစ်များ

Zaburi 1:6

Ruoth Nyasaye rito ng’at makare, jaricho to nolal chuth.

Zaburi 101:8

Odiechieng’ kodiechieng’ ananeg joricho e pinya. Anariemb joma timbegi mono duto e dala Ruoth Nyasaye.

Zaburi 119:115

Auru kuoma, un joricho, mondo arit chike Nyasacha.

Zaburi 125:5

To chieng’ mikumoe joricho, to kum joma timbegi obam bende. Israel mondo obed gi kue!

Zaburi 28:3

Kik ikuma kaachiel gi joricho. Gin joma timo timbe mamono, kendo ma wechegi mit, to chunygi opong’ gi sigu.

Zaburi 5:6

Itieko jomriambo duto, kendo ichayo jomahundu kod jowuond duto.

Zaburi 6:8

Auru kuoma, un joricho duto, nimar Ruoth Nyasaye osewinjo ywakna.

Hosea 9:12

To kata kapo ni ginywolo nyithindo, to anami nyithindgigo tho duto mak aweyo kata achiel ka ngima. Ka ajwang’o jogi, to giniyud masira malich.

Mathayo 25:12

To nodwokogi ni, ‘Awachonu adier ni akiau.’ ”

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Luka 13:25

Jaduong’ ot biro chung’, mi lor dhoot, to bang’ mano, kuchung’ oko mi udwong’o kuwacho ni, ‘Jaduong’, yawnwa’, to nodwoku ni, ‘Ok ang’eyou! Ua kanye?’

1 Jo-Korintho 8:3

To ka ng’ato ohero Nyasaye to mano nyiso ni Nyasaye ong’eye.

Jo-Galatia 4:9

To koro kaka ung’eyo Nyasaye, (to moloyo onego awachi ni koro kaka Nyasaye ong’eyou,) ere kaka udok e timbe machon mag piny, manyap kendo modhiergo, mondo uchak ubed wasumbgi kendo?

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”