Luka 13:22 - MUMA MALER 2015

²² Kane Yesu nie wuoth, kadhi Jerusalem, norawo e mier madongo gi matindo, kendo nopuonjo ji.

Motingʼo Loko Manyien

²² Eka Yesu nodhi e mier kod gwenge kopuonjo ji ka odhiyo Jerusalem.

Luka 13:22 ပူးပေါင်းရင်းမြစ်များ

Mathayo 9:35

Bang’ mano, Yesu nowuotho e mier madongo gi matindo duto, kapuonjo ji e utgi mag lemo. Nolando Wach Maber mar Loch Nyasaye, kendo nochango tuoche duto mopogore opogore.

Mariko 6:6

To nowuoro ahinya kane oneno kaka gionge gi yie!

Luka 13:23

Ng’at moro nopenje niya, “Jaduong’, ji manok kende ema nokwo koso?” Yesu nodwoke niya,

Luka 9:51

Kane kinde monego tergo Yesu e polo koro chiegni, ne owuok koketo chunye mondo odhi Jerusalem.

Tich Joote 10:38

Ung’eyo kaka Nyasaye noyiero Yesu ja-Nazareth, komiye Roho Maler, kendo omiye teko. Ne odhi kuonde duto, kotimo timbe mabeyo, kendo ochango ji duto mane Satan sando, nikech Nyasaye ne ni kode.