Luka 13:19 - MUMA MALER 2015

¹⁹ Ochalo gi koth karadali mane ng’ato okawo, mopidho e puothe. Kodhino nodongo, modoko yath maduong’, kendo winy nogedo e bedene.”

Motingʼo Loko Manyien

¹⁹ Ochal gi koth karadali, ma ngʼato nokawo mopidho e puothe. Kodhino nodongo mobedo yien, to winy mafuyo e kor polo nopiyo e bedene.”

Luka 13:19 ပူးပေါင်းရင်းမြစ်များ

Wer Mamit 4:12

Jaherana ma chiega chalo gi puodho mochiel motegno, kata ka soko modin ma ji ok modhie.

Wer Mamit 4:16

“In yamb masawa, tugri! Yamb milambo, in bende kudhi e puotha, mondo tik gik mang’ue ng’ar man kanyo odum. Yaye jaherana, bi e puothi mondo icham olembe mabeyo.”

Wer Mamit 6:2

“Jaherana osedhi e puothe, kama gik mang’ue ng’ar dongoe, mondo okwa kanyo kendo opon ondanyo.

Wer Mamit 8:13

“A jaherana, jowadwa ochiko itgi, omiyo yie awinjie dwondi gie puodho kuno.”

Isaya 53:1

En ng’a moseyie wach mwalando? Koso ere ng’ama Ruoth Nyasaye osenyiso tekone?

Isaya 53:10

To kata kamano ne en dwaro mar Ruoth Nyasaye ni mondo ogoye, mi kete e chandruok. Ka ochiwo ngimane mondo opwodhgo richo mag joma moko, to enone ka nyithinde dak aming’a, kendo gik ma Ruoth Nyasaye ochano nodhi maber nikech en.

Isaya 58:11

Ruoth Nyasaye ema nobed ka telonu pilepile, kokonyou kuonde motwo. Enomi dendu bed mojing’, mi uchal gi puodho mang’ich maber, kata ka soko ma pige ok duon.

Isaya 61:11

Kaka lowo miyo cham twi, kendo kaka cham mae puodho thiewo, e kaka Ruoth Nyasaye bende nomi tim makare kod pak thiew e nyim ogendini duto.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Jeremia 31:12

Gibiro duogo, mi giwer gi ilo e got Sayun, ka gimor gi gik ma achiwonigi, kaka cham gi divai gi mo kod jamni. Ginichal gi puodho ma koth oromo, mi ok ginichak gichand gimoro kendo.

Ezekiel 31:6

Kit winy duto ne ogero utgi e bedene, kendo le mag thim ne nywolo nyithindgi e tiende. Ogendini mag piny bende ne yueyo e tipone.

Daniel 4:12

Obokene ne beyo, kendo nonyago olemo mang’eny moromo piny ngima chamo. Le ne yueyo e tipone, winy bende ne gedo e bedene, kendo gik moko duto mangima nochamo olembene.

Daniel 4:21

Obokene ne beyo, kendo nonyago olemo mang’eny moromo piny duto chamo. Le ne yueyo e tipone kendo winy bende ne gedo e bedene.

Zekaria 2:11

Chieng’no ogendini mang’eny nobi ir Ruoth Nyasaye mi bed joge kendo enodag e kindu

Mathayo 17:20

Yesu nodwokogi ni, “Nende ok unyal gole nikech un gi yie matin. Awachonu adier niya, Da bed ni un gi yie kata matin marom mana gi koth karadali, to duwachi ni godni ni, ‘Aye ka, dhi kucha’, mi dodhi. Bende onge gima ditamu timo. [

Mariko 4:30

Bende nopenjo niya, “Ere gima dwapimgo Loch Nyasaye? Koso ngero mane ma dwanyisgo kaka ochal?

Luka 17:6

To Ruoth nowachonigi niya, “Da bed ni un gi yie kata matin marom gi koth karadali, to da uwacho ni yadhni ni, ‘Pudhri, mondo idhi ipidhri e nam,’ mi dowinjou.

Tich Joote 2:41

Kamano, joma ne oyie gi wachne ne obatisi, mi chieng’no ji alufu adek nomedre e kanyakla margi.

Tich Joote 21:20

Bang’ winjo wechego, ne gimiyo Nyasaye duong’ eka ne giwacho ni Paulo ni, “Owadwa, ineno kaka jo-Yahudi gana gi gana oseyie kuom Yesu, kendo giduto giketo chunygi matek kuom rito Chik Musa.

Tich Joote 4:4

To joma thoth kuom ji mane owinjo wach Petro gi Johana noyie, kendo kar romb joma chwo duto moyie koro ne dirom alufu abich.

Jo-Rumi 15:19

Notimonigi gi weche kod timbe, kendo gi teko manenore kuom ranyisi gi honni, ma en teko mar Roho. Kamano asetieko lando Wach Maber mar Kristo koni gi koni, chakre Jerusalem nyaka Iliriko.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”