Luka 12:8 - MUMA MALER 2015

⁸ “Awachonu ni ng’ato ang’ata mahulo e nyim ji ni en ng’ata, Wuod Dhano bende nohul ni en ng’ate e nyim malaika mag Nyasaye.

Motingʼo Loko Manyien

⁸ “Awachonu, ngʼato angʼata mohulo ni ongʼeya e nyim ji, Wuod Dhano biro hulo ni angʼeye e nyim malaike mag Nyasaye.

Luka 12:8 ပူးပေါင်းရင်းမြစ်များ

Zaburi 119:46

bende anahul ni ruodhi chikeni, ka aonge gi wich kuot.

Mathayo 8:20

To Yesu nodwoke niya, “Bwe nigi buchegi, kendo winy bende nigi utgi. Wuod Dhano to onge kata gi kama ketie wiye.”

Luka 15:10

Akonu ni, kamano bende e kaka malaika mag Nyasaye bedo mamor kuom jaricho achiel molokore.”

2 Timotheo 2:12

Ka watimo kinda to wanalochi kode bende, to ka wakwede, to en bende nokwedwa.

1 Johana 2:23

Ng’at modagi Wuowi ok nigi Wuoro bende, to ng’at moyie Wuowi ema nigi Wuoro bende.

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.

Fweny 2:13

“ ‘Ang’eyo kama idake. En kama kom mar duong’ mar Satan nitie. To irito nyinga ahinya, kendo ne ok ikwedo yie ma iyiego kuoma, kata mana e ndalo mane Antipa, janeno mara mar adier, onegi e dalau, kama Satan odakie.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.