Luka 12:30 - MUMA MALER 2015

³⁰ nikech gik makamago ema ogendini duto mae piny chandore kadwaro. Un to, Wuonu ong’eyo ni onego uyudgi.

Motingʼo Loko Manyien

³⁰ Nimar jopiny ema chandore ka dwaro gigi duto, to bende Wuonu ongʼeyo ni udwaro gigi duto.

Luka 12:30 ပူးပေါင်းရင်းမြစ်များ

Mathayo 10:20

Nimar weche mubiro wacho ok nobed mau, to ginibed mag Roho mar Wuonu.

Mathayo 18:14

Kamano e kaka Wuonu mae polo bende ok dwar mondo achiel kuom joma tindogi olal.

Mathayo 5:47

Bende ka oweteu kende ema umoso, to koro ere gima ber muloyogo ji ma maoko? Donge joma kia Nyasaye bende timo mana kamano?

Mathayo 6:1

“Beduru motang’ mondo kik utim timbe mabeyo e nyim ji mana ni mondo gineu, nikech kutimo kamano, to onge pok ma unuyud kuom Wuonu mae polo.

Mathayo 6:32

Mago e gik ma joma kia Nyasaye chandore kadwaro. Un to Wuonu manie polo ong’eyo ni onego uyudgi duto.

Mathayo 6:8

Ooyo, kik ubed machal gi jogo, nikech Wuonu ong’eyo gik muchando kapok ukwaye.

Luka 12:29

Kuom mano kik uket parou kuom gik ma ducham, kata kuom gik ma dumadhi. Bende kik ubed gi parruok,

Luka 12:31

Kar dwaro gigo, to dwaruru mana ni Loch Nyasaye obedie, eka gigo duto nomedu.

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Johana 20:17

To Yesu nowachone ni, “We maka, nikech pok aidho adhi ka Wuora, to dhiyo ir owetena, mondo iwachnigi ni, an aidho adhi ka Wuora ma bende Wuonu. Adier, adhi ka Nyasacha ma Nyasachu.”

Jo-Efeso 4:17

Awachonu ka aramo e nying Ruoth, ni kik uwuoth kaka joma ok ong’eyo Nyasaye, ma parogi ni nono.

1 Jo-Thesalonika 4:5

Kik umi gombou thuolo kaka joma ok oyie Nyasaye timo.