Luka 12:20 - MUMA MALER 2015

²⁰ To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

Motingʼo Loko Manyien

²⁰ “To Nyasaye nowachone ni, ‘In ngʼat mofuwoni! Kawuono gotienoni wangʼ nokaw ngimani. En ngʼa mabiro kawo mago miseloso ne in iwuon?’

Luka 12:20 ပူးပေါင်းရင်းမြစ်များ

Ayub 27:8

Ere geno ma joma ok gen Nyasaye dibedgo, e sa ma Nyasaye dwaro negogie?

Zaburi 39:6

Okadho mana ka tipo! Mwandu duto mochoko chalo muya maduono, to bende okia ng’ama nochamgi.

Zaburi 49:10

Oneno ni kata joma riek bende tho, mana ka joma ofuwo kod joma oming’, kendo mwandugi dong’ mana ni jomoko nono.

Zaburi 73:19

Itiekogi ka diemo wang’! Masiche malich lal kodgi nono.

Zaburi 78:30

To kata kamano wuochegi ne ok orumo, omiyo kane pod gichiemo,

Ngeche 10:2

Mwandu muyudo e yo marach ok kony gimoro. Tim makare to reso ji e tho.

Ngeche 11:4

Chieng’ bura, to mwandu ok nyal konyi. Tim makare to nyalo geng’oni tho!

Ngeche 13:7

Ji moko kawore ka jomwandu, to chutho gionge gi gimoro. Ji moko to wuondore ni jochan, to adier, gin gi mwandu mathoth!

Ngeche 27:1

Kik isungri ni gima pok ineno, nikech ok ing’eyo gima biro timore.

Ngeche 28:8

Ka iholo ji gik moko mondo odwokni gi ohala, to ohala miyudono nodog ni ng’at machielo makonyo jochan.

Isaya 56:12

Ng’ato ka ng’ato kuomgi wacho niya, “Biuru wamany divai kod kong’o makech, mondo wamadh, wamer. Kiny bende nobed maber mana kama, kata moloyo ma.”

Jeremia 17:11

Ng’ato ma yudo pesa e yor miriambo chalo gi winyo matoyo tong’ mane ok otoko. Gibiro lalne kapok obet ng’at moti, kendo bang’e nolokre mana ng’at mofuwo.”

Amos 6:13

Umor kuom loyo dala maonge ndhathe, bende usungoru ni un gi teko moloyo kawo Karnaim.

Nahum 1:10

Giduto giniwang’ pep mana ka kudho mochoki, kata ka tiang’ motwo.

Luka 11:40

Mano kaka ufuwo! Donge Jal mane ochueyo ng’e gik moko ema nochueyo koda ka igi bende?

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

1 Timotheo 6:7

Ne ok wakelo gimoro e pinyni, bende ok wanyal kawo gimoro waago.

Jakobo 4:14

Ukia gima kiny notimre kiny! Uparo ni ngimau en ang’o? Donge un mana ong’ueng’o mineno kuom kinde matin, to bang’e lal nono?