Luka 12:17 - MUMA MALER 2015

¹⁷ Omiyo nochako paro e chunye ni, ‘Ere gima datim? Aonge gi kama anyalo kanoe chamba duto.’

Motingʼo Loko Manyien

¹⁷ Noparo e chunye ni, ‘Angʼo monego atim? Aonge kama dakanie chamba.’

Luka 12:17 ပူးပေါင်းရင်းမြစ်များ

Eklesiastes 11:2

Adier, pog apoga gigi ni ji mang’eny, nikech ikia gima kiny notimre kiny.

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Mathayo 16:7

To ne gichako wacho e kindgi giwegi ni, “Owacho kamano nikech ne ok wabiro gi makati.”

Mathayo 5:42

Bende ka ng’ato okwayi gimoro, to miye; kata ka ng’ato dwaro holo gimoro kuomi, to kik itamri.

Luka 10:25

Japuonj Chik moro ne dwaro temo Yesu, omiyo nochung’ mopenje niya, “Japuonj, ere gima datim mondo ayud ngima mochwere?”

Luka 11:41

To chiwuru ni joma odhier gik ma un-go, eka gik moko duto nobednu maler.

Luka 12:16

Bang’ mano, Yesu nogoyonigi ngero niya, “Ne nitie jamoko moro man gi puodho ma higa moro nochiego cham mathoth.

Luka 12:18

Eka nowacho ni, ‘Ang’eyo gima abiro timo! Abiro muko derena, mi ago moko madongo moloyogi, mondo akanie chamba kod giga moko duto.’

Luka 12:22

Yesu nowacho ni jopuonjrene niya, “Mano emomiyo awachonu ni kik uparru kuom chiemo ma ducham mondo ubed mangima, kata kuom lewni ma durwaki mondo uumgo dendu,

Luka 12:29

Kuom mano kik uket parou kuom gik ma ducham, kata kuom gik ma dumadhi. Bende kik ubed gi parruok,

Luka 12:33

Lokuru giu duto pesa mondo upog ni joma odhier, eka ubed gi mwandu mak rum e polo, kuma jakuo ok dhiye, kendo kuma olwenda ok kethie gik moko,

Luka 16:3

Eka ng’atno nowacho e chunye niya, ‘Ere gima koro anyalo timo, ka ruodha ogola e tich? Aonge gi teko ma dapurgo, bende ok dakuechi nikech aluoro wich kuot.

Luka 16:9

Eka Yesu nomedo wacho niya, “Mano omiyo awachonu ni, tiuru gi mwandu mag pinyni kuom mako osiepe, mondo chieng’ ma mwandugo orumo, to orwaku e dala mochwere.

Luka 18:22

Kane Yesu owinjo kamano, nowachone niya, “Gimoro achiel ema pod onego itim. Lok gigi duto pesa, mondo ipog ni joma odhier, eka inibed gi mwandu e polo. Ka isetimo kamano, to bi iluwa.”

Luka 19:17

Eka ruodhe nodwoke ni, ‘Ber ahinya, in jatich maber! Koro kaka iserito gima tinni maber, aketi mondo ibed ruodh mier apar.’

Luka 3:11

Nodwokogi niya, “Ng’at man gi sede ariyo nyaka chiw achiel ni ng’at ma ongego, kendo ng’at man gi chiemo bende nyaka pog ni joma ongego.”

Tich Joote 16:30

Bang’ mano, nogologi oko mopenjogi ni, “Jodongo ere gima onego atim, eka akwo?”

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

Jo-Rumi 12:13

Poguru giu ni jo-Nyasaye modhier, kendo beduru joma ohero rwako welo.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

1 Johana 3:16

Koro waseng’eyo ni hera en ang’o, nikech Kristo nochiwo ngimane nikech wan. Kuom mano, wan bende onego wachiw ngimawa nikech owetewa.