Luka 12:16 - MUMA MALER 2015

¹⁶ Bang’ mano, Yesu nogoyonigi ngero niya, “Ne nitie jamoko moro man gi puodho ma higa moro nochiego cham mathoth.

Motingʼo Loko Manyien

¹⁶ Kendo nogoyonegi ngero moro ni: “Puoth ngʼat moro ma jamoko nochiek maber.

Luka 12:16 ပူးပေါင်းရင်းမြစ်များ

Ayub 12:6

To jokuo gi joma ok dew Nyasaye odak gi kue, kata obedo ni tekregi giwegi ema giloko Nyasachgi.

Ayub 24:23

To kata obedo ni Nyasaye oweyogi gibedo mangima kamano, to orangogi seche duto.

Zaburi 73:12

Mano e kaka joricho chalo. Gin gi gik moko mang’eny, kendo pile mwandugi medore ameda.

Zaburi 73:3

nikech nyiego ne omaka gi josunga, ka aneno kaka joricho mew.

Ezekiel 16:49

Sodom kaachiel gi mier matindogo, ne josunga, nikech ne gin gi chiemo mang’eny, kendo ne gidak maber gi kue. To ne ok gikony jochan kaachiel gi joma ok nyal konyore kendgi.

Hosea 2:8

To pod ok ong’eyo ni an ema ne amiye cham gi divai kod mo, bende ok ongeyo ni an ema ne amiye fedha gi dhahabu mogundho, mane otiyogo kuom lamo Baal.

Mathayo 13:8

To kodhi moko nolwar e lowo maber, omiyo ne ginyak. Moko nonyago kodhi mia achiel, to moko piero auchiel, to moko piero adek.”

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Luka 12:17

Omiyo nochako paro e chunye ni, ‘Ere gima datim? Aonge gi kama anyalo kanoe chamba duto.’

Tich Joote 14:17

To kata kamano timbe mabeyo mane osebedo kotimo ema nyisou kite kaka chal, nikech okelonu koth moa e polo kendo omiyo chambu chiek e kinde mowinjore. Kamano omiyou chiemo, kendo opong’o chunyu gi mor.”