Luka 11:49 - MUMA MALER 2015

⁴⁹ Mano emomiyo rieko Nyasaye nowacho niya, ‘Abiro oronigi jonabi kod joote, to ginineg moko kuomgi, kendo moko bende ginisandi.’

Motingʼo Loko Manyien

⁴⁹ Kuom mano Nyasaye e riekone nowacho niya, ‘Abiro oronegi jonabi gi joote, kendo moko kuomgi ne ginegi to moko ginisandi!’

Luka 11:49 ပူးပေါင်းရင်းမြစ်များ

Jeremia 7:25

Chakre chieng’ mane kwereu owuokie Misri nyaka chil kawuono, asekawo chandruok, mi aoronigi jotichna ma jonabi.

Mathayo 22:6

to joma moko nomako jotichnego, motimonigi malit, kendo onegogi.

Luka 11:48

Kamano unyiso ni uyie gi gima kwereu notimo, nikech gin ema ne ginego jonabi, kendo koro un ema umwono liete jonabigo!

Luka 24:47

mondo wach loko chuny olandi ni ogendini duto, chakre Jerusalem, mondo owenigi richogi e nyinge.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

Tich Joote 11:27

E ndalogo, jokor wach moko noa Jerusalem, mobiro Antiokia.

Tich Joote 22:20

Bende kane oneg Stefano mane hulo weche kuomi, ne antie, kendo ne ayie gi nekne, bende ne arito ni joma ne onege lepgi.’

Tich Joote 7:57

Eka ne gikok matek ka gidino itgi gi luetgi, mi gimwomore kuome rat.

Tich Joote 8:3

E kindeno Saulo nochako ketho kanyakla mar jo-Kristo, kodhi e ot ka ot, kendo oywayo chwo gi mon oko, otero e jela.

1 Jo-Korintho 1:24

To joma Nyasaye oseluongo, bed ni gin jo-Yahudi kata joma ok jo-Yahudi, to ong’eyo ni wachno en Kristo, ma en teko Nyasaye kendo riekone,

1 Jo-Korintho 1:30

Osekelou e achiel gi Kristo Yesu, kendo osemiyo Kristo obedo riekowa. Kuom Kristo bende ema Nyasaye osemiyo wabet e winjruok kode, kendo osemiyo wabedo joge kendo wayudo warruok.

Jo-Efeso 4:11

En ema nopogo mich ni ji, koyiero ji moko mondo obed joote, to moko johul wach moa kuom Nyasaye, kendo moko joland Wach Maber, to moko jotend jo-Kristo, to moko jopuonj.

Jo-Kolosai 2:3

En ema mwandu duto mag rieko kod ng’eyo opand kuome.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!