Luka 11:46 - MUMA MALER 2015

⁴⁶ Yesu nodwoke ni, “Mano kaka un bende unune malit, un jopuonj Chik, nikech ugango ni ji misike mapek mohewogi ting’o, to un uwegi ok umulgi kata mana gi lith lwetu.

Motingʼo Loko Manyien

⁴⁶ Yesu nodwoko niya, “Un joma olony e chik, bende chandruok ochomou nikech umiyo ji tingʼ mapek ma ok tingʼo yot ngangʼ, to un uwegi ok unyal konyogi tingʼogi kata mana gi lith lwetu.

Luka 11:46 ပူးပေါင်းရင်းမြစ်များ

Isaya 10:1

Yaye, unune malit, un joma loso chike ma ok ni kare, kendo ma keto chike maricho mathiro ji.

Isaya 58:6

Donge kit tueyo chiemo ma adwaro en ni mondo ugony tonde mag richo, kendo utur jok duto, mondo joma isando oyud yueyo?

Mathayo 22:35

mi ng’at achiel kuomgi, ma japuonj Chik, nopenje, kateme, niya,

Luka 11:45

Eka japuonj Chik moro nowacho ni Yesu niya, “Japuonj, ka iwacho kamano, to wan bende iyanyowa!”

Luka 11:52

“Mano kaka uneno malit, un jopuonj Chik, nikech usepando rayaw mar dhood rieko. Un uwegi ok usedonjo kanyo, to bende usebedo kutamo joma dwaro donjoe.”

Jo-Galatia 6:13

To kata mana jogo moramo ni nyaka ter ji nyangu ok mak Chik, to gidwaro ni mondo oteru nyangu mana ni mondo gipakre kuom gima otim e ringreu.