Luka 11:40 - MUMA MALER 2015

⁴⁰ Mano kaka ufuwo! Donge Jal mane ochueyo ng’e gik moko ema nochueyo koda ka igi bende?

Motingʼo Loko Manyien

⁴⁰ Un joma ofuwo gi! Donge Jal mane ochweyo ngʼe gik moko, ema nochweyo koda igi bende?

Luka 11:40 ပူးပေါင်းရင်းမြစ်များ

Chakruok 1:26

Eka Nyasaye nowacho niya, “Koro wachue dhano e kido machal kodwa. Enobed gi teko kuom rech gi winy gi jamni kod gik mamol duto.”

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Zaburi 14:1

Joma ofuwo wacho e chunygi niya, “Nyasaye ongee.” Giduto gin joma okethore, kendo gisetimo gik maricho miwuoro. Adier, onge kata ng’at achiel matimo gima ber!

Zaburi 33:15

En ema ochueyo chuny ji, kendo ong’eyo gik moko duto ma ji timo.

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Ngeche 8:5

Un joma pod yom, winjuru kaka onego udok motegno. Un joma ofuwo, winjuru kaka onego uyud rieko

Jeremia 5:21

“Winjuru un joma ofuwo, man gi wenge, to ok nen, bende man gi it, to ok nyal winjo.

Zekaria 12:1

Ma en wach Ruoth Nyasaye kuom Israel: Ruoth Nyasaye mane oyaro polo, kendo oketo mise mar piny, mi omiyo dhano much ngima wacho kama:

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

Mathayo 23:17

Un muofni mofuwogi! Ere gima duong’ moloyo wadgi? Dhahabu, koso Hekalu mamiyo dhahabu bedo gima owal ni Nyasaye?

Mathayo 23:26

Un jo-Farisai ma muofni, kwonguru ulwok kai agwata, eka ng’eye bende obed maler!

Luka 12:20

To Nyasaye nowacho ni ng’atno niya, ‘In ng’at mofuwo! Otieno ma kawuononi ang’ nokaw chunyi! To koro gik misekanogo duto biro konyi gang’o?’ ”

Luka 24:25

Kane gisetieko wuoyo kamano, Yesu nowachonigi niya, “Yaye un joma ofuwo! Mano kaka ung’ulni kuom yie gik moko duto mane jonabi owacho!

1 Jo-Korintho 15:36

To mano penjo mofuwo manadi! Donge kodhi ma in iwuon ichwoyo kwongo tho, eka bet mangima?

Jo-Hibrania 12:9

To bende wuonewa mag pinyni ne kumowa, kendo ne wamiyogi luor kaka owinjore. To koro Wuonwa mar chuny dwami luor malich machal nadi mondo wayud ngima!