Luka 11:39 - MUMA MALER 2015

³⁹ Kuom mano, Ruoth Yesu nowachone ni, “Un jo-Farisai uluoko kang’e agwata kod kang’e tawo, to chunyu opong’ gi mecho kod richo mamoko.

Motingʼo Loko Manyien

³⁹ Eka Ruoth nowachone niya, “Koro un jo-Farisai ulwoko ngʼe kikombe gi bakul to, gie chunyu to upongʼ gi wuoro kod timbe maricho.

Luka 11:39 ပူးပေါင်းရင်းမြစ်များ

Chakruok 6:5

Kane Ruoth Nyasaye oneno ni dhano osetimo richo mang’eny e piny, kendo chunye gombo mana timo richo pile,

2 Weche mag Ndalo 25:2

Timbe Amazia ne long’o e nyim Ruoth Nyasaye, to ne ok otimgi gi chunye duto.

Zaburi 22:13

Ging’amona dhogi ka sibuoche ma ruto, ka dwaro kidha.

Ngeche 26:23

Weche mamit mawuok e chuny marach chalo gi agulu mochue marachrach, to owir gi range mang’ang’ni.

Ngeche 26:25

Kata obedo ni wechenego mit kamano, to kik iyie kode, nikech chunye sigu opong’o.

Ngeche 30:12

Nitie ji moko ma paro ni ler, to adier pok opwodhgi.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Ezekiel 22:25

Jotendgi chalo gi sibuoche ma ng’ur ka kidho le ma gisemako. Ginego ji, omiyo mond liete doko mang’eny, kendo giyako mwandu kod gik mabeyo.

Ezekiel 22:27

Ruodhi chalo gi otoche ma kidho le ma gimako. Gichuero remo mondo giyud mwandu.

Zefania 3:3

Jotende ne chalo gi sibuoche ma ruto e iye, kendo ruodhi mage ne chalo gi ondiegi mawuotho gotieno, ma ok we piny ru ni gimoro ka pok gitieko,

Mathayo 15:19

nikech chuny dhano ema paro maricho nitie, mamiyo otimo gik maricho, kaka nek gi terruok gi wuowo gi kuo gi miriambo, kod kuoth.

Mathayo 7:15

“Beduru motang’ ni jonabi mag miriambo, mabiro iru korwakore gi lep rombe, to chutho gin mana ondiegi mangemo!

Luka 16:15

To Yesu nowachonigi niya, “Un e joma wuorore e nyim ji ni joma kare, to Nyasaye ong’eyo chunyu. Ng’euru ni Nyasaye ochayo gik moko ma dhano kwano ka gik madongo.

Luka 7:13

Kane Ruoth Yesu oneno dhakono, nokeche, mowachone niya, “We ywak.”

Luka 7:19

mi ooro ir Ruoth Yesu, mondo openje ni, “In e jal monego bi, koso pod warit ng’at machielo?”

Johana 12:6

To ne ok owach kamano nikech ne oparo joma odhier adier, to nowacho kamano mana nikech ne en jakuo, kendo kaka ne en jakeno mar jopuonjre, nothoro kawo pesa morito.

Johana 13:2

Yesu gi jopuonjrene ne koro chiemo. To noyudo Satan oseketo paro e chuny Judas wuod Simon Iskariot ni mondo ondhoge.

Tich Joote 5:3

To Petro nowachone niya, “Anania, ang’o momiyo iseweyo Satan opong’o chunyi mondo iwuond Roho Maler, kidong’ gi pesa moko mane ing’iewo puodho?

Jo-Galatia 1:14

kendo kaka ne aloyo mbesena mathoth ma jo-Yahudi e tich dini mar jo-Yahudi, kaketo chunya e tich kwerewa.

2 Timotheo 3:5

Ginitim gik mamiyo ginenore ka joma oluoro Nyasaye, to ngimagi to nonyis ni gionge gi teko ma luoro Nyasaye kelo. In to nyaka ibed mabor gi joma kamago.

Tito 1:15

Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.