Luka 11:34 - MUMA MALER 2015

³⁴ Wang’i e taya mar ringri, omiyo ka wang’i ngima, to dendi duto nigi ler. To ka wang’i ok ngima, to dendi duto otimo mudho.

Motingʼo Loko Manyien

³⁴ Wangʼi e taya mar ringri, ka wengegi neno maber, to ringri duto opongʼ gi ler. To ka giricho, ringri bende mudho opongʼo.

Luka 11:34 ပူးပေါင်းရင်းမြစ်များ

Chakruok 19:11

Eka ne gimiyo wang’ jogo duto mane ni oko odinore, mane ok ginyal yudo dhoot.

Zaburi 119:18

Yaw wang’a mondo ane weche miwuoro manie chikni.

Zaburi 81:12

Kuom mano, ne aweyogi mondo gidhi, ka wigi tek kamano, mondo gitim mana gik ma gin giwegi ema gidwaro.

Ngeche 21:4

Wang’teko kod sunga ema otelo ni joma timbegi mono, to mano en richo.

Ngeche 28:22

Ng’at ma iye lit rikni mondo oyud mwandu. Ok ong’eyo ni chieng’ moro dhier nyalo make.

Isaya 29:10

Nimar Ruoth Nyasaye osemiyo ubedo gi chuny mar nindo matut. Ee, osedino wengeu, (tiende ni jonabiu), kendo oseumo wiyeu, (tiende ni jou ma koronu wach.)

Isaya 42:19

Ere muofu maloyou, un jo-Israel jotichna? Kata ere ng’ama ite odino moloyou, un jootena ma aoro? Koso ere muofu maloyou un joma atimogo singruok mar kue, kata ma ite odino maloyou un jotich Ruoth Nyasaye?

Isaya 44:18

Joma kamago ok ong’eyo gimoro, bende ok giwinj tiend gik moko. Wengegi odinore ma ok ginyal neno, kendo chunygi thanythany ma ok ginyal fwenyo tiend gimoro.

Isaya 5:20

Yaye, unune malit, un joma kwano richo ka gima ber, kendo ma kwano gima ber ka gima rach. Uluongo mudho ni ler, kendo ler uluongo ni mudho, bende ukwano gik makech ka gik mamit, to gik mamit ukwano ka gik makech.

Isaya 6:10

To in Isaya, nyaka imi, chuny jogi dok mapek, mondo kik wach donjnigi, kendo imi itgi dinre mondo kik giwinj wach, bende imi wengegi imre mondo kik ginen, eka dipo ka gilokore, mi ochanggi.”

Jeremia 5:21

“Winjuru un joma ofuwo, man gi wenge, to ok nen, bende man gi it, to ok nyal winjo.

Mariko 4:12

‘Kata da ging’ichi manadi, to ok ginyal ng’eyo, kendo kata da giwinji manadi, to wach ok nyal donjonigi, nimar dipo ka giloko chunygi, mi owenigi richogi’.”

Mariko 7:22

gi terruok kod gombo, kaachiel gi gik mamono, kaka wuond gi anjawo gi nyiego gi kuoth gi sunga kod fuwo.

Mariko 8:18

Un gi wenge, to marang’o ok unyal neno? Bende un gi it, to ere gimomiyo ok unyal winjo?

Luka 11:35

Kuom mano, bed motang’, dipo ka ler ma in-go en mana mudho!

Tich Joote 13:11

To koro winji, kata mana sani Ruoth Nyasaye biro goyi gi lwete, kendo ibiro bedo muofu, mi ok ninen kuom ndalo moko.” Gikanyono mudho mandiwa noimo wang’ Eluma, mi owuotho komulo amula, kendo kodwaro ng’ama taye gi lwete.

Tich Joote 2:46

Pile ne gichokore gi chuny achiel e Hekalu, kendo ne gidhi e ot ka ot mondo gichamie Sap Ruoth. Ne gichiemo kaachiel gi mor,

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

2 Jo-Korintho 4:4

Gin joma ok yie, ma nyasach pinyni osedino chunygi, mondo kik gine ler ma Wach Maber manyiso ji duong’ maler mar Kristo, ma en owuon e kido mar Nyasaye.

Jo-Efeso 1:17

ka akwayo Wuoro ma wuon duong’ duto, kendo ma Nyasach Ruodhwa Yesu Kristo, mondo omiu Roho makelonu rieko kendo fwenyonu gik moko mondo ung’eye.

Jo-Efeso 6:5

Un wasumbini, winjuru wach ruodhiu mae pinyni, kuluor kendo kutetni, kendo timuru kamano gi chuny achiel, mana kaka uwinjo Kristo.

Jo-Kolosai 3:22

Un wasumbini bende, winjuru chutho ruodhiu mae pinyni, kendo ka utiyo, to kik uti mana ni mondo ji oneu, ka gima udwaro bedo malong’o ni ji, to keturu chunyu e tichu, nikech uluoro Ruoth