Luka 11:32 - MUMA MALER 2015

³² Chieng’ Bura, jo-Nineve bende nochung’, mi donj ni tieng’ ma kawuononi, nikech kane Jona olandonigi wach Nyasaye, to ne gilokore, mi giweyo richogi, to awachonu ni nitie gimoro kaeri man gi duong’ moloyo Jona.

Motingʼo Loko Manyien

³² Jo-Nineve biro chungʼ e bura kaachiel gi tiengʼni kendo nongʼadnegi bura kaka joketho; nimar gin ne giweyo richo kane giwinjo yalo mar Jona, to sani koro nitie ngʼato maduongʼ moloyo Jona.

Luka 11:32 ပူးပေါင်းရင်းမြစ်များ

Jona 3:4

Jona nodonjo e dala, mowuotho kuom odiechieng’ achiel. Eka nogoyo milome kama: “Bang’ ndalo piero ang’wen, ibiro ketho Nineve!”

Jona 3:5

Kane jo-Nineve owinjo gima Nyasaye nowacho, ne giyiego. Ne gigoyo milome mondo ji otue chiemo, kendo ne girwako piende gugru giduto, joma dongo gi joma tindo machalre.

Jona 4:9

To Nyasaye nopenje niya, “Iparo ni ber kikecho kuom tho otangle?” Nodwoko niya, “Ee, ber ka akecho, kata mana nyaka tho!”

Mathayo 12:39

Yesu nodwokogi ni, “Tieng’ marach kendo maweyo Nyasayeni kwayo mondo otimnigi ranyisi, to onge ranyisi ma notimnigi mak mana ranyisi mar janabi Jona.

Mathayo 12:41

To Chieng’ Bura, jo-Nineve nochung’ mi donjnu, nikech kane Jona olandonigi Wach Nyasaye, to ne gilokore mi giweyo richogi, to awachonu ni koro nitie gimoro kaeri man gi duong’ moloyo Jona.

Luka 11:31

Chieng’ Bura, ruoth ma dhako mar piny milambo nochung’, kendo nodonj ni tieng’ ma kawuononi, nikech ne oa kuma bor ahinya mondo obi owinj rieko Solomon. To awachonu ni nitie gimoro kaeri man gi duong’ moloyo Solomon!

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.