Luka 11:16 - MUMA MALER 2015

¹⁶ Jomoko to ne dwaro teme, omiyo ne giwachone ni mondo otimnigi ranyisi moa e polo, manyiso ni Nyasaye ni kode.

Motingʼo Loko Manyien

¹⁶ Jomoko to noteme kakwaye ranyisi moa e polo.

Luka 11:16 ပူးပေါင်းရင်းမြစ်များ

Luka 11:29

Kane ji mathoth ochokore mothung’o Yesu, ne owacho niya, “Mano kaka tieng’ ma kawuononi en tieng’ marach! Gikwayo mondo otimnigi ranyisi, to onge ranyisi ma notimnigi mak mana ranyisi mar Jona.

Johana 6:30

Kuom mano ne gichako gipenje niya, “To ere ranyisi minyalo timo mondo wane, eka wayie gima iwacho? Ang’o minyalo timo?

Johana 8:6

Ne giwacho kamano nikech ne gidwaro wach moro ma digidonjne go. To Yesu nolung’ore piny, mondiko e lowo gi lith lwete.

1 Jo-Korintho 1:22

Jo-Yahudi to dwaro neno honni kaka ranyisi, kendo jo-Grik manyo rieko.