Luka 10:32 - MUMA MALER 2015

³² Kamano ja-Lawi moro bende mane oyudo oluwo yorno, nonene, to okadho akadha.

Motingʼo Loko Manyien

³² Kamano bende, ja-Lawi moro kane ochopo kanyo monene nokadho gi komachielo.

Luka 10:32 ပူးပေါင်းရင်းမြစ်များ

Zaburi 109:25

Ka ji onena, to gigoyona siboi. Gitwenyo umgi ka gijara.

Ngeche 27:10

Kik wiyi wil gi osiepni kata mana gi osiepe wuoru, kendo ka in gi chandruok, to kik iring ir owadu mondo okonyi, nikech ng’at modak buti nyalo konyi moloyo owadu modak mabor.

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Luka 10:31

To jadolo moro bende noyudo oluwo yorno, to kane oneno ng’atno, nobaro moluwo bath yo komachielo.

Luka 10:33

To kane ja-Samaria moro ma bende noyudo nie wuoth ochopo kanyo, moneno ng’atno, nokeche.

Tich Joote 16:28

To Paulo nokok matek ni, “Kik iketh dendi! Wantie waduto!”

Tich Joote 18:17

Eka giduto ne gimako Sosthene, ma jaduong’ od lemo, mi gichwado e nyim bura, to Galio ne ok odewo gima gitimo kata matin.

2 Timotheo 3:2

Ji nobed joma oherore kendgi giwegi, kendo ma ohero pesa. Ginibed joma wuorore kendo ma jong’ayi, kendo ma yanyo ji. Bende ok giniwinj jonywolgi, bende ok ginibed joma goyo erokamano, kata joma oluoro Nyasaye.