Luka 10:31 - MUMA MALER 2015

³¹ To jadolo moro bende noyudo oluwo yorno, to kane oneno ng’atno, nobaro moluwo bath yo komachielo.

Motingʼo Loko Manyien

³¹ To noyudo jadolo moro wuotho koluwo, yorno, to kane oneno ngʼatno, nobaro moluwo bath yo komachielo.

Luka 10:31 ပူးပေါင်းရင်းမြစ်များ

2 Samuel 1:6

Wuowino nowacho niya, “Noyudo an e got Gilboa, kendo naneno Saulo kosirore gi tong’e, to geche lweny gi joidh farese lwore machiegni.

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Zaburi 69:20

Ayany ma ji yanyago osenego chunya ma onge kaka akony. Ne ageno ni ji dikecha, to ne ok aneno. Bende ne aparo ni dayud kony, to ne ok ayudo.

Ngeche 21:13

Ka ng’ato odino ite ni ywak joma odhier, to en bende ywakne ok nowinji.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Hosea 5:1

“Un jodolo, winjuru wachni! Chikuru itu, un jo-Israel. Winjuru un joka ruoth, nikech un ema onego ung’ad ni ji bura, to koro un ema ibiro ng’adnu bura. Usemiyo obadho omako jo-Mizpa, kendo uchalo gogo mamako ji ewi got Tabor.

Hosea 6:9

Jodolo chalo mony mag jomecho marito ji kobuto e bungu. Kata mana e wang’ yo madhi Shekem ginegoe ji. Gitimo mahundu mana gi wang’ matek.

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.

Luka 10:30

Yesu nodwoke niya, “Ng’at moro ne lor koa Jerusalem, dhi Jeriko, mi nopo ka jomecho ogore kuome. Ne gimaye lepe, kendo gigoye, mi giweye kodwaro tho.

Luka 10:32

Kamano ja-Lawi moro bende mane oyudo oluwo yorno, nonene, to okadho akadha.

Ruth 2:3

Omiyo nowuok modhi hulo cham e puodho bang’ jokeyo, kendo nopo kochopo e puoth Boaz, jadhoodgi Elimelek.