Luka 10:28 - MUMA MALER 2015

²⁸ Yesu nowacho ne ni, “Idwoko kare! Tim kamano, eka inibed mangima.”

Motingʼo Loko Manyien

²⁸ Yesu nodwoke niya, “Isedwoko kare, tim kamano, eka inibed mangima.”

Luka 10:28 ပူးပေါင်းရင်းမြစ်များ

Nehemia 9:29

Nikwerogi matek mondo gilokre kendo gimak chikeni, to ne gisungore, mi ok gidewo chikni. Ne giketho chikni, ma ka ng’ato orito, to yudo ngima. Ne gilokore giweyi ka tokgi tek ta, mi gitamore mako chikeni.

Ngeche 19:16

Rit chike Ruoth Nyasaye mondo idag aming’a, nikech kichayogi to initho.

Ezekiel 20:11

Eka ne amiyogi chikena, kendo apuonjogi buchena, ma ka ng’ato orito, to yudo ngima.

Ezekiel 20:13

To ne gipiem apiema koda, kata mana e thim, ka giketho buchena, kendo gidagi chikena, ma ka ng’ato orito, to yudo ngima. Bende ne giketho ndalo mag Sabatona chuth. Mano ema omiyo ne achano mondo atiekgi gi mirimba mager e thim kuno.

Ezekiel 20:21

“To kata obedo ni ne akwerogi kamano, to gin bende ne gipiem koda. Ne giketho chikena, kendo ne ok girito buchena, ma ka ng’ato orito, to yudo ngima. Ne giketho ndalo mag Sabatona, omiyo ne achano mondo atiekgi duto gi mirimba mager e thim kuno.

Tim jo-Lawi 18:5

omiyo nyaka urit chikena gi buchena, ma ka ng’ato orito, to yudo ngima. An e Ruoth Nyasaye.

Mathayo 19:17

To Yesu nodwoke ni, “Ere gima omiyo ipenja gima ber? Ng’at achiel kende ema ber. To ka idwaro donjo e ngima, to nyaka irit chike.”

Mariko 12:34

Kane Yesu oneno kaka ng’atno odwoke gi rieko, nowachone niya, “Ok ibor gi Loch Nyasaye.” Bang’ mano, onge ng’ama nohedhore penjo Yesu wach moro kendo.

Luka 7:43

Simon nodwoke ni, “Aparo ni en jal mane owene pesa mang’eny ka.” Yesu nowachone ni, “Idwoko kare.”

Jo-Rumi 10:4

To koro Kristo osemiyo Chik obedo maonge gi tich, komiyo ji duto moyie kuome, bet e winjruok gi Nyasaye.

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

Jo-Rumi 7:10

Kamano chik mane oketi mondo okel ngima, nokelona mana tho,

Jo-Galatia 3:12

To Chik ok otenore kuom yie ngang’, nikech Muma wacho niya, “Ng’ama otimo gik ma Chik dwaro ema nobed mangima kuom Chik.”

Rapar mar Chik 6:24

Ruoth Nyasaye nochikowa ni mondo warit chikegi duto, kendo ni mondo waluore. Eka dwadag maber ndalo duto, kendo domed ritowa.