Luka 10:21 - MUMA MALER 2015

²¹ E sa nogo, Roho Maler nomiyo Yesu odoko mamor ahinya, mi owacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyisogi mana ji ajia. Adier Wuora, osetimore kamano, nikech mano e kaka ne long’oni.

Motingʼo Loko Manyien

²¹ E sechego ka Roho Maler nomiyo Yesu opongʼ gi ilo, nowacho niya, “Apakoi, Wuonwa, Ruodh polo gi piny, nikech isepando gigi ne joma riek gi joma osomo, to isefwenyogi ne nyithindo matindo. Ee, Wuora, nimar mano ema ne berni kotimore.

Luka 10:21 ပူးပေါင်းရင်းမြစ်များ

Zaburi 24:1

Ruoth Nyasaye e wuon piny ngima, kaachiel gi gik moko duto manie iye. Ji duto modakie bende mage.

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Zaburi 8:2

Pak ma nyithindo mayom, koda ka mago ma pod dhoth, pakigo, chopo nyaka e polo malo. Isegero kama otegno mondo isirgo wasiki, kendo mondo igeng’go joma mon kodi.

Isaya 29:14

Emomiyo anachak abwog jogi kendo, ka atimo gik malich ma miyo giwuoro. Rieko mar jogi mariek nolal nono, kendo paro matut mar jogi mang’ado rieko, norum.”

Isaya 35:8

Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Isaya 53:11

Bang’ chandruokne duto enone ler, kendo enong’e malong’o ni osetimo gima kare. Kaka jatichna en ng’at makare, omiyo en bende enomi ji mang’eny bedo joma kare, koting’o richogi.

Isaya 62:5

Kaka wuowi kendo nyako, e kaka Jal mane ogeri biro kendi. Adier, kaka ng’at mokendo, mor gi chiege, e kaka Nyasachi nobed mamor kodi.

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Zefania 3:17

Ruoth Nyasaye ma Nyasachu nie kindu, mondo oritu maber mana ka jalweny. Obiro bedo mamor nikech un, mi ochak onyisu herane, kower gi mor nikech un, mana kaka ne otimo chon.

Mathayo 16:17

Yesu nowachone niya, “Simon wuod Jona, in jahawi ahinya! Dhano ok ema osefwenyni wachni, to mana Wuora mae polo ema osefwenyonigo.

Mathayo 21:16

mi giwachone niya, “Bende iwinjo gima jogi wacho?” To Yesu nodwokogi ni, “Ee, awinjo. To pok usomo Muma kama wacho ni, ‘Isemiyo nyithindo mayom, koda ka mago mapod dhoth, paki maber’?”

Mathayo 3:7

To kane Johana oneno jo-Farisai gi jo-Sadukai mathoth kabiro ire, nowachonigi niya, “Un nyithind thuonde! En ng’a mane onyisou ni mondo uring utony e kum mabiro?

Mariko 10:15

Awachonu adier ni, ng’at ma ok oyie Loch Nyasaye gi chuny machalo gi chuny nyathi matin, ok noyud gueth mar Lochne ngang’!”

Luka 15:5

To koyude, to odoko mamor ahinya kendo oting’e mana e goke,

Luka 15:9

Bang’e oluongo osiepene kod jogweng’gi kaachiel, kendo owachonigi niya, ‘Wachiemuru nikech amor ahinya, nimar aseyudo pesana manyocha olalna.’

Johana 11:41

Kuom mano ne ging’ielo kidi oko. Yesu nong’iyo malo, mowacho niya, “Wuora, agoyoni erokamano nikech isewinja.

2 Jo-Korintho 4:3

Watimo kamano nikech ka Wach Maber mwalando ogeng’ore, to ogeng’ore mana ni joma lal.

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Jo-Efeso 1:5

Nowalowa chon mondo wadok yawuote kuom Yesu Kristo, nikech mano e kaka ne odwaro, kendo omorgo.