Luka 10:19 - MUMA MALER 2015

¹⁹ To ng’euru ni asemiyou teko duto mag Jasigu, kendo onge gima nohinyu ngang’!

Motingʼo Loko Manyien

¹⁹ Asemiyou loch mondo unyon thuonde gi thomoni kendo uloo teko duto mag jasigu bende onge gima nohinyu.

Luka 10:19 ပူးပေါင်းရင်းမြစ်များ

2 Weche mag Ndalo 10:11

Wuora ero nomiyou ting’ mapek, an to abiro medou moloyo. Wuora nochwadou gi del, an to abiro chwadou gi thomoni.’ ”

Zaburi 91:13

Ininyon sibuoche gi thuonde. Koda ka sibuoche mager kod thuonde malich man gi kwiri.

Isaya 11:8

kendo nyathi madhoth notug e dho bur thuond rai, bende rawera noso lwete asoya e bur thuond hu.

Ezekiel 2:6

“To in wuod dhano, kik iluorgi, kata kik iluor gima giwacho. Gibiro lwori mana ka kudho, mi giketi diere, kendo inichal mana ka gima idak e kind thomoni. To kata kamano, kik iwe joma wigi tekgo bwogi, kata kik iluor gimoro amora ma giwacho.

Mariko 16:18

bende ka gimako thuonde, kata kapo ni gimadho kwiri moro marach, to ok ginihinyre ngang’! Giniket lwetgi kuom joma tuo, mi changi.”

Luka 11:12

kata ka okwaye tong’ gweno, to omiye thomoni?

Tich Joote 28:5

To Paulo noteng’o thuondno e mach ma ok otime gimoro.

Jo-Rumi 16:20

Piyopiyo nono Nyasach kue biro miyo unyon Satan gi tiendu. Ng’wono mar Ruodhwa Yesu obed kodu.

Fweny 11:5

Ka wasikgi dwaro hinyogi, to mach wuok e dhogi kendo tiekogi. Mano e tho ma ng’ato ang’ata madwaro hinyogi nyaka thogo.