Luka 1:76 - MUMA MALER 2015

⁷⁶ To in nyathina, noluongi ni, janabi mar Ng’ama Duong’ Moloyo. Initel nyim Ruoth mondo ilosne yo,

Motingʼo Loko Manyien

⁷⁶ “To in, nyathina, ibiro luongi ni janabi mar Nyasaye Man Malo Moloyo; nimar ibiro telo e nyim Ruoth mondo ilosne yo,

Luka 1:76 ပူးပေါင်းရင်းမြစ်များ

Zaburi 87:5

Kuom Sayun to ji duto nowachie niya, “En min ogendini duto, kendo Ng’ama Duong’ Moloyo biro miyo ogurore motegno.”

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Malaki 4:5

“To ka pok chieng’ maduong’ kendo malich mar Ruoth Nyasaye ochopo, abiro oro Elija janabi,

Mathayo 14:5

Herode ne dwaro nego Johana, to kata kamano, ne oluoro jo-Yahudi, nikech ne gikawo Johana ka janabi.

Mathayo 21:26

To ka wawacho ni noa kuom dhano, to ji nyalo hinyowa, nikech ji duto oyie ni Johana en janabi.”

Mathayo 3:11

An abatisou gi pi, mondo obed ranyisi ni useloko chunyu, to ng’at ma biro bang’a nigi teko moloya, ma kata mana wuochene ok awinjora ting’o. En obiro batisou gi Roho Maler kendo gi mach.

Mathayo 3:3

Johana e jal mane janabi Isaya owuoyo kuome, kowacho ni, “Ng’at moro kok e thim niya, ‘Losuru yo ni Ruoth! Losneuru yo moriere tir.’ ”

Mariko 11:32

Koso dwawachi ni oa kuom dhano?” To ne ging’eyo ni ok ginyal wacho kamano, nikech ne giluoro ji, nimar ng’ato ka ng’ato noyie ni Johana en janabi maradier.

Luka 1:32

Enobed gi duong’, kendo noluonge ni Wuod Nyasaye Maduong’ Moloyo. Ruoth Nyasaye nokete ruoth kar Daudi kwar mare,

Luka 1:35

Eka malaika nodwoke ni, “Roho Maler biro lor kuomi, kendo teko mar Nyasaye Maduong’ Moloyo biro umi. Kuom mano, nyathi maler mibiro nywolono noluong ni, ‘Wuod Nyasaye’.

Luka 6:35

To un nyaka uher wasiku, kendo utimnigi maber, bende nyaka uhol giu ka ok ugeno ni didwoknugi. Eka unuyud pod maduong’ kendo unubed nyithind Ngama Duong’ Moloyo. En ong’won ni joma ok gone erokamano, bende ong’won ni joricho.

Johana 1:23

Eka Johana nodwokogi gi wach mane Isaya janabi okoro niya, “An e ng’at makok e thim ni, ‘Losuru ni Ruoth yo moriere tir.’ ”

Johana 1:27

En jal mane awacho ni biro bang’a, ma ok awinjora gonyo tond wuochene.”

Johana 3:28

Un donge nuwinjo ka akwer ni ok an Mesia, to an mana jal mane oor mondo otel nyim Mesia?

Tich Joote 16:17

Ne ojaluwo bang’ Paulo kod bang’wa kokok niya, “Jogi gin jotich Nyasaye Maduong’ Moloyo! Gilandonu kaka onego uyud warruok.”