Luka 1:69 - MUMA MALER 2015

⁶⁹ Osekelonwa Jawar maratego, moa e dhood Daudi jatichne, mana kaka nosingore.

Motingʼo Loko Manyien

⁶⁹ Osechungonwa tungʼ mar warruok marwa, e od jatichne Daudi,

Luka 1:69 ပူးပေါင်းရင်းမြစ်များ

2 Samuel 22:3

Nyasacha, in e jaresna, gi lwandana ma ageng’orae. In e okumbana, gi teko mar resruokna. In e ohingana gi kar geng’ruokna, kendo jawarna in ema iresa kuom masiche mager.

2 Samuel 7:26

Nyingi mondo oyud duong’ nyaka chieng’ ka ji wacho niya, ‘Ruoth Nyasaye Manyalo Gik Moko Duto en Nyasach Israel.’ Kamano dhooda nodongi e nyimi,

1 Ruodhi 11:13

Kata kamano ok anagole duto, to anawene dhoot achiel, nikech ahero Daudi jatichna, kendo nikech dala Jerusalem ma aseyiero.”

Zaburi 18:2

Nyasacha, in e jaresna, kendo lwandana ma ageng’orae. In e okumbana, gi teko mar resruokna, kendo in e ohingana.

Zaburi 89:17

Imiyowa loch madongo. Ee, ng’wononi ema omiyo walocho,

Zaburi 89:3

Ne iwacho niya, “Asetimo singruok gi Daudi, jatichna ma aseyiero, mowir gi mo,

Jeremia 30:9

To ginitina, an Ruoth Nyasaye ma Nyasachgi, kendo giniti ni Daudi ma abiro keto mondo obed ruodhgi.

Ezekiel 29:21

“E ndalogo anami jo-Israel bed oganda matek, mi in Ezekiel nami iwuo kama ji duto nyalo winjie mondo ging’e ni an e Ruoth Nyasaye.”

Amos 9:11

“Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Mathayo 1:1

Anywola mar Yesu Kristo ma nyakwar Daudi, kendo nyawar Ibrahim e ma:

Mariko 11:10

Oguedh loch mabiro mar Daudi kwarwa! Duong’ obed ni Nyasaye e polo malo!”

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

1 Samuel 2:1

Hana nolamo Ruoth Nyasaye, kowacho niya, “Chunya il gi Ruoth Nyasaye, nimar osemedo tekona. Achayo wasika, kendo amor nikech oseresa.

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”