Luka 1:48 - MUMA MALER 2015

⁴⁸ nimar osepara, an jatichne ma jachan. Chakre kawuono, tienge duto noluonga ni ng’ama oguedhi,

Motingʼo Loko Manyien

⁴⁸ nimar oseparo dhier mar jatichne. Chakre kawuononi tienge duto biro luonga ni ngʼat mogwedhi,

Luka 1:48 ပူးပေါင်းရင်းမြစ်များ

Chakruok 30:13

mi Lea nowacho niya, “Mano mor manade! Koro mon biro luonga ni Omore.” Omiyo nochake ni Asha, (tiende ni, Mor).

2 Samuel 7:8

Bende nyis Daudi ni Ruoth Nyasaye Manyalo Gik Moko duto owacho kama: ‘Ne agoli e lek, kuma nikwayoe rombe, mondo ibed jatend joga Israel.

Zaburi 102:17

Enowinj ywak joge mosejwang’, kendo enochik ite ni lemogi.

Zaburi 136:23

Kane olowa, to wiye ne ok owil kodwa. Herane mosiko ochwere.

Zaburi 138:6

Kata obedo ni in malo chutho, A Ruoth Nyasaye, to pod ikecho joma ni e piny. Josunga bende ok nyal pondoni!

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Malaki 3:12

Bang’e ogendini duto noluongu ni johawi, nikech pinyu nobed kama ber dakie.”

Luka 1:28

Malaika nobiro ire, mowachone niya, “Misawa! Ruoth ni kodi, kendo oseguedhi ahinya.”

Luka 1:42

mokok kowach niya, “Oguedhi moloyo mon duto, kendo nyathi mibiro nywolo bende ogwedhi!

Luka 1:45

Mano kaka in jahawi kuom yie ni wach ma Ruoth ooroni biro timore.”

Luka 1:49

nikech gik madongo ma Nyasaye Manyalo Gik Moko Duto osetimona. Mano kaka en Ng’ama Ler!

Luka 11:27

Kane Yesu osewacho kamano, dhako moro noting’o dwonde ei oganda mowachone niya, “Mano kaka dhako mane onywoli, kendo odhodhi, jahawi!”

1 Samuel 1:11

Nokuong’ore kowacho niya, “A Ruoth Nyasaye Manyalo Gik Moko Duto, ka inine chandruokna, kendo ipara an jatichni, ma ok wiyi owil koda, mi imiya nyathi ma wuowi, to anachiwnigo, mondo obed mari ndalo duto mag ngimane, kendo mirich ok noka wiye.”

1 Samuel 2:8

Ogolo jachan e buru, kendo oting’o ng’ama odhier a e pidh yugi, mondo omiye bedo e kom moyiedhi kaachiel gi ruodhi. Mise mar piny en mar Ruoth Nyasaye, kendo orenjo piny kuome.