Luka 1:25 - MUMA MALER 2015

²⁵ “Gima otimorenani, Ruoth ema otimo. Osetimona ng’wono mondo ogolna wichkuot ma asebedogo e nyim ji.”

Motingʼo Loko Manyien

²⁵ Nowacho niya, “Ruoth Nyasaye osetimona ma. E ndalogi osenyiso ngʼwonone kuoma kendo ogolona wichkuot e kind ji.”

Luka 1:25 ပူးပေါင်းရင်းမြစ်များ

Chakruok 25:21

Rebeka nodak aming’a kapok onywol, omiyo Isaka nolamone Ruoth Nyasaye mondo oyud nyathi. Ruoth Nyasaye nowinjo kwayone, mi Rebeka nomako ich.

2 Samuel 6:23

Mikal nyar Saulo ne ok onywolo nyathi nyaka thone.

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Isaya 4:1

E kindeno chwo manok kende ema nodong’, kendo mon abiriyo nobed ka laro dichwo achiel, ka wachone niya, “Yie mondo wabed mondi waduto. Chiemo mwachamo gi lewni mwarwako to wabiro yudo wawegi, to yie ayieya oluongwa mana ni mondi, mondo kik wane wichkuot ni waonge gi chwo.”

Luka 1:13

To malaika nowachone niya, “Kik ibed maluor, Zekaria! Nyasaye osewinjo kwayoni, kendo Elizabeth chiegi biro nywoloni nyathi ma wuowi, michak ni Johana.

Luka 1:24

Bang’e Elizabeth chiege nomako ich, kendo ne ok owuok oko kuom dueche adek, koparo ni,

Jo-Hibrania 11:11

Yie ema nomiyo Sara owuon bende onwang’o teko mar mako ich, kata obedo ni ne en migumba, kendo ndalone mar nywol nosekadho kamano. Noyudo tekono nikech nokwano ni Jal mane osesingorene en jaadiera.

Jong’ad Bura 11:37

Eka nomedo wacho ni wuon mare niya, “Yie akwayie gimoro achiel kende. Wena thuolo kuom dueche ariyo mondo adhi aba ewi gode ka aywak nikech abiro tho kapod an nyako ngili mapok ong’eyo chwo.”

1 Samuel 1:6

Nyiek Hana ne chando chuny Hana malit, konyiere nikech Ruoth Nyasaye ok omiye nyathi.