Luka 1:15 - MUMA MALER 2015

¹⁵ nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

Motingʼo Loko Manyien

¹⁵ Nimar enobed ngʼat maduongʼ e nyim Ruoth. Ok nomadh kongʼo kata gimoro amora makech, to enopongʼ gi Roho Maler chakre nywolne.

Luka 1:15 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 48:19

To wuon mare nodagi, kowacho niya, “Ang’eyo mano nyathina. Manase bende biro bedo oganda maduong’, to owadgi maluwe ema nobed maduong’ moloye, kendo nyikwaye nodok ogendini mang’eny.”

1 Weche mag Ndalo 17:8

Asebet kodi kuonde duto midhiye, kendo asetiekoni wasiki duto. Abiro miyo nyingi bedo gi huma, ka humb joma dongo mag piny,

1 Weche mag Ndalo 29:12

Mwandu gi duong’ a kuomi, kendo in ema irito ji duto. Teko gi nyalo bende ipogo ni ji.

Zaburi 22:9

To yaye Ruoth Nyasaye, in ema ne igola e ich, kendo ka ne pod atin, to in ema ne irita.

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Jeremia 35:6

To ne gidwoke niya, “Ok wamadh divai nikech Jonadab wuod Rekab ma kwarwa nowachonwa ni wan kata nyikwawa kik wamadh divai nyaka chieng’.

Tim jo-Lawi 10:9

“In kod yawuoti kik umadh kong’o kata gimoro mamero ji, ka udhi e Hemb Romo, nono to utho. Mano en chik momako nyikwau nyaka chieng’.

Zekaria 9:15

Ruoth Nyasaye Manyalo Gik Moko Duto ema nobed okumbagi mi ginilo lweny ka ginyono kite mag orujre piny. Ginigo koko ka joma omer, mi ginineg ji, mi rembgi chuer mana ka remb misango miolo gi tawo e tunge mag kendo-mar-misango.

Luka 1:14

Inibed mamor konywole, kendo ji mang’eny bende nobed mamor,

Luka 7:28

Awachonu adier ni kuom yawuowi duto ma mon onywolo, onge moro maduong’ie moloyo Johana, kata kamano, ng’ama tinie mogik e Loch Nyasaye to oloye gi duong’.

Luka 7:33

Awachonu kamano nikech Johana Jabatiso nobiro modak katueyo chiemo, kendo ka ok madh divai, mi uwacho ni jachien ni kode!

Johana 5:35

Johana ne en taya marieny maler, kendo kuom kinde moko ne uyie mondo lerno omiu mor.

Tich Joote 2:4

Giduto Roho Maler nopong’ogi, mi gichako wuoyo gi dhok mopogore opogore, mana kaka Roho nomiyogi teko mar wuoyo.

Jo-Galatia 1:15

To Nyasaye, mane owala kane pok onywola, ne oluonga kuom ng’wonone mondo atine. Kuom mano, e kinde mane oneno ni ber

Jo-Efeso 5:18

Weuru mer, nono to ubiro ketho ngimau chuth. Kar timo kamano, to Roho ema mondo opong’u.

Joshua 3:7

Ruoth Nyasaye nowacho ni Joshua niya, “Tinendeni abiro chako miyi bedo gi duong’ e nyim jo-Israel duto kendo gining’e ni abedo kodi mana kaka nabedo gi Musa.

Joshua 4:14

Chieng’no Ruoth Nyasaye nomiyo Joshua bedo gi duong’ ahinya e nyim jo-Israel duto, kendo ne gimiye luor e ngimane duto, mana kaka ne gimiyo Musa.