Kwan 9:21 - MUMA MALER 2015

²¹ Bende ne nitie kinde moko mane bor polo bet ewi Hema Maler chakre odhiambo nyaka okinyi kende, to oa gokinyino, kendo jo-Israel dhi nyime gi wuoth. Kane bor polo oa ewi Hema Maler, to ne gichako mana wuoth, bed ni en otieno kata odiechieng’.

Motingʼo Loko Manyien

²¹ Seche moko bor polo ne ni kanyo chakre odhiambo nyaka okinyi kende, to kane oyawore gokinyi to negichako wuoth. Bed ni en odiechiengʼ kata otieno, to e kinde ma bor polo noyawore, negichako wuoth.

Kwan 9:21 ပူးပေါင်းရင်းမြစ်များ

Nehemia 9:12

Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Nehemia 9:19

To kata kamano kuom ng’wononi maduong’ ne ok ijwang’ogi e thim. Siro ma bor polo nosiko ka telonigi godiechieng’, to gotieno siro mar mach nosiko ka menyonigi yo mane giwuothoe.

Kwan 9:20

Kamano bende kane bor polo obet ewi Hema Maler mana kuom ndalo manok, to ne giguro hembegi kendo gimukogi mana kaka Ruoth Nyasaye ochikogi.

Kwan 9:22

Kata bed ni ne obet ewi Hema Maler kuom ndalo achiel kata ndalo ariyo, kata kuom due kata higa, kata bed ni obudho marom nadi, to jo-Israel ne bet mana e kambi to ne gichako wuoth mana ka oa ewi Hema Maler.