Kwan 9:13 - MUMA MALER 2015

¹³ Ka nga’to odagi timo pasaka, to ok ogak, kata ok odhi e wuoth kuma bor, to nyaka ng’ad kare oko kuom ogandagi, nikech ok osekelo ni Ruoth Nyasaye chiwo e kinde moketi. Ng’at ma kamano noyud kum kuom kethone.

Motingʼo Loko Manyien

¹³ To ka ngʼat ma ok ogak kendo ma ok odhi wuoth otamore timo nyasi mar Pasaka, ngʼatno nyaka gol oko kuom jogi nikech ne ok ochiwo misango ne Jehova Nyasaye e kinde moketne. Ngʼat ma kamano noyud kum moromore gi richone.

Kwan 9:13 ပူးပေါင်းရင်းမြစ်များ

Chakruok 17:14

To dichwo ma ok oter nyangu noriemb kuom jowetene, nikech ok oserito singruokna.”

Wuok 12:15

Nyaka ucham makati ma ok ketie thowi kuom ndalo abiriyo. Chieng’ mokwongo, nyaka ugol thowi duto manie uteu, nimar ka ng’ato kuomu ochamo makati moketie thowi chakre chieng’ mokwongo nyaka chieng’ mar abiriyo to nong’ad kare oko kuom oganda jo-Israel.

Wuok 12:19

Kuom ndalo abiriyogo kik thowi bedie uteu, nikech ng’at mochamo gimoro moketie thowi nong’ad kare oko kuom oganda jo-Israel, bed ni en japiny kata jadak.

Wuok 12:47

Oganda jo-Israel duto nyaka tim sawoni.

Wuok 30:33

Ng’ato ang’ata ma nolos mo machal kamano, kata ma nowir kode ng’at ma ok jadolo nyaka ng’ad kare oko kuom jowetene.’ ”

Wuok 30:38

Ng’ato ang’ata ma nolos ubani machal kode kamano, mondo otigo e yore owuon, nyaka ng’ad kare oko kuom jowetene.”

Ezekiel 23:49

To un nyimine ariyo, abiro kumou kuom timbeu mag dwanyruok kod richou mar lamo nyiseche manono. Eka unung’e ni an e Ruoth Nyasaye.”

Tim jo-Lawi 17:10

“Ka ja-Israel moro amora kata japiny moro modak kuomu ochamo remo to anabed jasike, mi nang’ad kare oko kuom ogandagi,

Tim jo-Lawi 17:4

to ok okelo e dho Hemb Romo mondo otimgo ni Ruoth Nyasaye misango e nyim Hema Maler mar Ruoth Nyasaye, to nokwane ka ng’ama oneko. Osechuero remo, omiyo nyaka ng’ad kare oko kuom ogandagi.

Tim jo-Lawi 20:20

Ng’at moterore gi chi owadgi wuon mare, okuodo wi wuon mareno, omiyo giniyud kum. Noneggi, kendo nyinggi nolal nono kuom ogandagi.

Tim jo-Lawi 22:9

Jodolo nyaka rit chikna, nono to gidoko joketho, mi githo kuom chayo nyinga. An e Ruoth Nyasaye mapwodhogi.

Tim jo-Lawi 24:15

Nyaka iwach ni jo-Israel ni ng’ato ang’ata moyanyo Nyasache noyud kum kuom kethone.

Kwan 19:13

Ng’ato momulo ng’at motho, to ok nopwodhre, ochido Hema Maler mar Ruoth Nyasaye. Ng’atno nong’ad kare oko kuom jo-Israel. Pi pwodhruok ne ok kir kuome, omiyo osiko kogak.

Kwan 19:20

“To ka ng’at ma ogak ok opwodhore, to nyaka ng’ad kare oko kuom ogandagi, nimar dochid Kama Ler mar Ruoth Nyasaye. Pi pwodhruok ok okir kuome, omiyo osiko kogak.

Kwan 5:31

Dichwo nobed maonge ketho, to chiege nyaka yud kum kuom kethone.”

Kwan 9:7

mi giwacho niya, “Wagak, nikech wasemulo ng’at motho. To koro mano dimonwa kelo ni Ruoth Nyasaye chiwowa chieng’ moketi, kaachiel gi jo-Israel mamoko koso?”

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Jo-Hibrania 2:3

Wan to dwatony nade, ka wajwang’o warruok maduong’ makama? Ruoth Yesu owuon ema nokwongo nyiso ji wach warruokno, eka joma nowinjo wachno nonyisowa ni en adier.

Jo-Hibrania 6:6

to bang’e odok chien, ok nyal dwoki mi chak lokre kendo, nimar gin giwegi giguro Wuod Nyasaye e msalaba, kendo gimiyo ichaye ratiro.

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.