Kwan 8:26 - MUMA MALER 2015

²⁶ Onyalo konyo jowadgi kuom tich Hema, to ok nobed kotiyo tich mapile. Mano e kaka inichan tich jo-Lawi.”

Motingʼo Loko Manyien

²⁶ Ginyalo konyo owetegi e tije mag Hemb Romo, to gin giwegi ok onego gimul tich moro amora. Ma e kaka ibiro pogo tije ne jo-Lawi.”

Kwan 8:26 ပူးပေါင်းရင်းမြစ်များ

1 Weche mag Ndalo 23:32

Jo-Lawi nomi bende tich rito Hemb Romo, kod Kama Ler, to joka Harun owetegi ema nomi tich dolo e Od Ruoth Nyasaye.

Ezekiel 44:11

Ginyalo tiyona e Hekalu, ka girito dhorangeye, kendo ka gitiyona tije mamoko mag Hekalu. Ginyalo yang’o jamni ma ji chiwo kaka misengni miwang’o pep kod misengni mamoko, kendo nyaka gichung’ e nyim ji ka gitiyonigi.

Ezekiel 44:8

Kar timo tich ma onego utina e Hekalu, to use mana keto jopinje mamoko mondo otim.

Kwan 1:53

To jo-Lawi nogur hembegi e alwora mar Hema Maler mar Rapar, mondo mirimba kik bi kuom oganda duto mag Israel. Kamano jo-Lawi ema nobed karito Hema Maler mar Rapar.”

Kwan 18:4

Ginibed kodu, kendo ginikaw ting’ duto mag rito Hema e yo moro amora, to onge ng’at ma ok jadolo ma nosud machiegni kodu.

Kwan 3:32

Jaduong’ jotend jo-Lawi duto ne Eleazer wuod Harun jadolo. En ema nokete jatelo mar rito Hema Maler.

Kwan 31:30

To kuom gik mopog ni jo-Israel modong’, ugolie achiel kuom piero abich abich, bed ni gin ji kata dhok kata kenje kata rombe, omi jo-Lawi ma jorit Hema Maler mar Ruoth Nyasaye.”

Kwan 8:25

To kosebedo jahigni piero abich, to nowe tich.

1 Timotheo 4:15

Tim gigo gi chunyi duto mondo ji one kaka idongo e yore duto.