Kwan 8:14 - MUMA MALER 2015

¹⁴ Kamano iniwal jo-Lawi kuom dhout Israel mamoko, mi ginibed joga.

Motingʼo Loko Manyien

¹⁴ Ma e kaka onego iwal jo-Lawi e kind jo-Israel mamoko mondo obed maga.

Kwan 8:14 ပူးပေါင်းရင်းမြစ်များ

Malaki 3:17

Ruoth Nyasaye Manyalo Gik Moko Duto owacho niya, “Chieng’ ma ang’adoe bura, to ginibed joga awuon kendo ginibed mwanduna. Anabednigi mang’won mana kaka wuoro bedo mang’won ni wuode moluore.

Kwan 18:6

An awuon asepogo joweteu ma jo-Lawi kuom dhout Israel mamoko duto mondo achiwnugi ka joma owalna mondo orit Hema.

Kwan 3:12

“Aseyiero jo-Lawi kuom jo-Israel kar nyithindo makayo duto ma mond Israel onywolo. Kuom mano, jo-Lawi gin joga,

Kwan 3:45

“Kaw jo-Lawi kar jo-Israel machwo makayo duto, kendo kaw jamb jo-Lawi kar jambgi. Jo-Lawi nyaka bed joga. An e Ruoth Nyasaye.

Kwan 3:9

Iniket jo-Lawi e teko Harun gi yawuote, mondo gibed joma ochiwne kuom oganda jo-Israel.

Kwan 6:2

ni mondo onyis jo-Israel niya, “Ng’ato ang’ata ma okuong’ore ni obiro bedo ja-Nazir, tiende ni ng’at mowal ni Ruoth Nyasaye,

Kwan 8:13

Bang’e iniket jo-Lawi e nyim Harun gi yawuote kichiwogi ni Ruoth Nyasaye ka mich moyiedhi.

Kwan 8:17

nikech nyathi moro amora ma dichwo mokwong nywol e Israel en mara, bed ni en nyathi dhano kata nyathi chiayo. Chieng’ mane anegoe nyithindo makayo e piny Misri, nawalo nyithindo makayo duto e piny Israel mondo obed maga,

Jo-Rumi 1:1

Ma en barua ma an Paulo, jatich Yesu Kristo, ema andikonu un jo-Rumi. Nyasaye noluonga mondo abed jaote, kendo nowala mondo aland Wachne Maber.

Jo-Galatia 1:15

To Nyasaye, mane owala kane pok onywola, ne oluonga kuom ng’wonone mondo atine. Kuom mano, e kinde mane oneno ni ber

Rapar mar Chik 10:8

“E kindego Ruoth Nyasaye nowalo jo dhood Lawi mondo obed joting’ Sandug Muma mare, kendo obed jodolo mage, ka giguedho ji e nyinge, mana kaka pod gitimo nyaka chil kawuono.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.