Kwan 7:89 - MUMA MALER 2015

⁸⁹ To kane Musa odonjo e Hemb Romo mondo owuo gi Nyasaye, nowinjo Dwond Nyasaye ka wuoyo kode ewi raum mar Sandug Rapar miluongo ni kar-ng’wono, e kind kido ariyo machalo gi malaika miluongo ni kerubi.

Motingʼo Loko Manyien

⁸⁹ Kane Musa odonjo e Hemb Romo mondo owuo gi Jehova Nyasaye, nowinjo dwond Jehova Nyasaye kawuoyo kode koa e kind kerubi ariyo manie wi raum mar Sandug Muma mar Singruok. Kendo Musa nowuoyo kode.

Kwan 7:89 ပူးပေါင်းရင်းမြစ်များ

1 Ruodhi 6:23

Ei ot maler maiye noketoe kido ariyo molos gi bap zeituni maket gi malaika miluongo ni kerubi, ma moro ka moro borne noromo mita abich.

Zaburi 80:1

A Jakwadh Israel, winjwa, in ma itelo ni nyikwa Josef ka ng’ama telo ni jambe! Rienynwa in mibet e kerubi kaka ruoth mabet e kom duong’ne.

Zaburi 99:1

Ruoth Nyasaye e ruoth, kendo mano miyo ogendini kirni! Obet e kom duong’ne ewi kerubi, kendo piny yiengni!

Wuok 40:34

mi bor polo noimo Hemb Romo, kendo duong’ maler mar Ruoth Nyasaye nopong’e.

Wuok 40:35

Musa ne ok nyal donjo e Hemb Romo nikech bor polo ne ni kanyo, bende nikech duong’ maler mar Ruoth Nyasaye nopong’e.

Tim jo-Lawi 1:1

Ruoth Nyasaye noluongo Musa mowuoyo kode gi e Hemb Romo ma Nyasaye romoe gi joge, kowachone niya:

Kwan 1:1

Chieng’ mokwongo mar due mar ariyo e higa mar ariyo, kane jo-Israel osewuok e piny Misri, Ruoth Nyasaye nowuoyo gi Musa e Hemb Romo e thim Sinai, kowachone niya:

Kwan 11:17

Abiro lor mondo awuo kodi, kendo abiro kawo kuomi teko moko mane amiyi, mondo ami jogo okonyi rito oganda, mi ting’no ok noturi.

Kwan 12:8

En awuoyo kode wang’ gi wang’, kende mana moyangore ma onge ngero. Enone kit Ruoth Nyasaye. Ere kaka uhedhoru kuodho jatichna Musa?”

Kwan 8:1

Ruoth Nyasaye nowacho ni Musa

Jo-Hibrania 4:16

Emomiyo wasuduru gi chir e nyim kom Nyasachwa mang’won, mondo okechwa, kendo okonywa kuom ng’wonone e kinde ma wadwaroe kony.

1 Petro 1:12

Ne onyisgi ni tich koro mane gitiyo ne ok giti ni gin giwegi, to ne gitiyo mana ni un, kendo koro joland wach mane okelonu Injili kuom teko mar Roho Maler mane oor koa e polo, osehulonu wechego ratiro. Gin e weche ma kata mana malaika bende gombo ng’eyo ahinya.

1 Samuel 4:4

Omiyo ne gioro wach Shilo, mi gikelo Sandug Muma mar Ruoth Nyasaye Manyalo Gik Moko Duto, ma en Nyasaye mobet ewi kerubi. Hofni gi Finehas, ma yawuot Eli, ema nobiro gi Sandug Muma.