Kwan 7:86 - MUMA MALER 2015

⁸⁶ Kikombe apar gariyo ma ubani opong’ogo, moro ka moro pekne ne romo shekel apar kipimo gi rapim mitiyogo e tich Nyasaye. Kamano kar romb pek dhahabu mag kikombego ne romo shekel mia achiel gi piero ariyo.

Motingʼo Loko Manyien

⁸⁶ Dise apar gariyo mag dhahabu mane opongʼ gi mo mangʼwe ngʼar pekgi noromo shekel apar moro ka moro, kaluwore gi shekel mar kama ler mar lemo. Dise duto mag dhahabu pekgi noromo shekel mia achiel gi piero ariyo.

Kwan 7:86 ပူးပေါင်းရင်းမြစ်များ

1 Ruodhi 7:50

gi kikombe, gi rangis teyni, gi degi, gi tewni mag ubani, kod tegni mag mach. Magi duto nolos gi dhahabu maler. Pata mag dhood Hekalu bende nolos gi dhahabu.

Wuok 25:29

Los tewni gi kikombe gi agulni kod agwetni mitiyogo kitimo misengni miolo piny. Gigo duto nyaka los gi dhahabu maler.

Wuok 30:13

Ng’ato ka ng’ato mokwan nyaka chul nus shekel mondo obed chiwo ni Ruoth Nyasaye, (shekel achiel oromo gera piero ariyo, kopim gi rapim mitiyogo e tich Nyasaye.)

Kwan 7:85

Pek mar nyalaro ka nyalaro ne romo shekel mia achiel gi piero adek, to pek mar tawo ka tawo shekel piero abiriyo. Kamano pek mag gigo duto ne romo shekel alufu ariyo gi mia ang’wen, kipimoo gi rapim mitiyogo e tich Nyasaye.

Kwan 7:87

To kar romb jamni duto mitimogo misango miwang’o pep ne ruedhi apar gariyo gi imbe apar gariyo gi nyiimbe apar gariyo ma hikgi achiel achiel achiel, kaachiel gi misengni mag cham michiwo kodgi kaka chik dwaro, kod nywogi apar gariyo mitimogo misango mar golo richo.

Mathayo 2:11

Ne gidonjo e ot, mi gineno nyathino gi Maria min mare, eka ne gigoyo chonggi piny, mi gimiye duong’. Bang’e ne gigolo mwandu mane gibirogo, mi gimiye dhahabu gi ubani kod manemane, ma gin yien moko mang’ue ng’ar.