Kwan 7:43 - MUMA MALER 2015

⁴³ Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Motingʼo Loko Manyien

⁴³ Misango mane okelo ne en san achiel mar fedha ma pekne ne en shekel mia achiel gi piero adek, kod bakul achiel mar fedha mar kwoyo pi ma pekne en shekel piero abiriyo. Mago nokel kaluwore gi shekel mar kama ler mar lemo, ka moro ka moro opongʼ gi mogo mayom moru gi mo kaka misango mar cham;

Kwan 7:43 ပူးပေါင်းရင်းမြစ်များ

Tim jo-Lawi 14:10

Chieng’ mar aboro nyaka okel imbe ariyo ma hikgi achiel achiel, kod rombo ma swini ma bende hike achiel. Jamnigo duto nyaka bed maonge songa. Bende nokel mogo moromo kilo apar moruw gi mo, mondo otimgo misango mar cham, kaachiel gi mo moromo nus lita.

Tim jo-Lawi 2:5

To ka en gima ochiel e tawo, to nyaka obed mar mogo mayom moruw gi mo, to ok oketie thowi.

Kwan 7:44

Bende nochiwo kikombe mar dhahabu ma pekne shekel apar ma ubani opong’o,

Mathayo 14:8

To min nyako nosunde mondo okwa mana wi Johana Jabatiso okelne kanyo e tawo.

Jo-Hibrania 1:9

Ihero timbe makare, to imon gi timbe maricho. A Nyasaye, mano emomiyo Nyasachi oseyieri ruoth, mowiri gi mo, komiyi mor mang’eny moloyo mor mosemiyo jowadu.”

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.