Kwan 7:19 - MUMA MALER 2015

¹⁹ Nochiwo nyalaro mar fedha ma pekne romo shekel mia achiel gi piero adek kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Motingʼo Loko Manyien

¹⁹ Misango mane okelo ne en san achiel mar fedha ma pekne ne en shekel mia achiel gi piero adek, kod bakul achiel mar kwoyo pi mar fedha ma pekne en shekel piero abiriyo. Magi nokel kaluwore gi shekel mar kama ler mar lemo, ka moro ka moro opongʼ gi mogo mayom moru gi mo kaka chiwo mar cham;

Kwan 7:19 ပူးပေါင်းရင်းမြစ်များ

Ezra 1:9

Kwan-gi ne romo kama: Nyilerni piero adek molos gi dhahabu, gi nyilerni alufu achiel molos gi fedha, gi tewni mopogore opogore piero ariyo gochiko,

Wuok 25:29

Los tewni gi kikombe gi agulni kod agwetni mitiyogo kitimo misengni miolo piny. Gigo duto nyaka los gi dhahabu maler.

Jeremia 52:18

Bende ne gidhi gi agulini gi rachodhgi gi rangisni gi bakunde miting’oe remb misango, gi tep ubani kod gik moko duto mag mula ma nolos ni tich Hekalu.

Tim jo-Lawi 2:1

Ka ng’ato timo ni Ruoth Nyasaye misango mar cham, to nyaka ochiw mogo mayom, kendo ool mo kuome, mi omedie ubani.

Tim jo-Lawi 5:11

Ka ng’ato ok nyal kata mana chiwo akuch odugla ariyo kata nyithi akuru ariyo kuom richone, to nyaka ochiw kilo ang’wen mag mogo mayom mondo otimgo misango mar golo richo. To kik oolie mo, kata kik oketie ubani, nikech en misango mar golo richo.

Zekaria 14:20

Chakre chieng’no, kata mana okode mag farese nogorie weche mawacho niya, ‘Mowal ni Ruoth Nyasaye,’ kendo agulni mitedogo e Hekalu nobed mowal ni tich Ruoth Nyasaye mana ka tewni mitiyogo e kendo-mar-misango.

Kwan 7:18

Chieng’ mar ariyo, Nethaneel wuod Zuar, jatend jo-Isakar, nokelo chiwo mare.

Kwan 7:20

Bende nochiwo kikombe mar dhahabu ma pekne shekel apar ma ubani opong’o,

Mathayo 14:8

To min nyako nosunde mondo okwa mana wi Johana Jabatiso okelne kanyo e tawo.

Mariko 6:25

Gikanyono nyakono noreto kadok ir ruoth, mi owachone niya, “Adwaro ni mondo imiya wi Johana Jabatiso sani e tawo!”