Kwan 7:13 - MUMA MALER 2015

¹³ Nochiwo nyalaro mar fedha ma pekne romo shekel mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Motingʼo Loko Manyien

¹³ Chiwo mare ne en san achiel mar fedha ma pekne en shekel mia achiel gi piero adek, kod bakul achiel mar fedha mokuoyogo pi ma pekne en shekel piero abiriyo. Magi nokel kaluwore gi shekel mar kama ler mar lemo, ka moro ka moro opongʼ gi mogo mayom moru gi mo kaka chiwo mar cham;

Kwan 7:13 ပူးပေါင်းရင်းမြစ်များ

1 Ruodhi 7:43

gi rachungi apar, gi kareche apar mane orenj kuom rachungigo,

1 Ruodhi 7:45

gi agulini gi rajope kod tewni. Gigo duto mag Od Ruoth Nyasaye, Huram noloso ni ruoth Solomon gi mula mang’ang’ni.

Ezra 8:25

Fedha gi dhahabu kod gik lemo mane ruoth gi jobuche gi jodonge kod jo-Israel duto mane ni kanyo osechiwo ni tich Od Nyasaye, napimo, maketo e lwet jogo.

Wuok 25:29

Los tewni gi kikombe gi agulni kod agwetni mitiyogo kitimo misengni miolo piny. Gigo duto nyaka los gi dhahabu maler.

Wuok 30:13

Ng’ato ka ng’ato mokwan nyaka chul nus shekel mondo obed chiwo ni Ruoth Nyasaye, (shekel achiel oromo gera piero ariyo, kopim gi rapim mitiyogo e tich Nyasaye.)

Wuok 37:16

Bende noloso gik mitiyogo e mesa, kaka tewni, gi kikombe gi agulni kod aguetni mitiyogo gitimo misengni miolo piny. Gigo duto noloso gi dhahabu maler.

Jeremia 52:19

Jatend jolweny nokawo gik moko duto molos gi dhahabu kata molos gi fedha, kata kikombe gi tegni mag mach gi tewni mamoko, gi agulini gi rachungi taya, gi tewni mag ubani kod tewni mag misengni miolo piny.

Daniel 5:2

To kane gimetho, Belshazar nogolo chik mondo okel kikombe gi tewni mag dhahabu gi mag fedha mane Nebukadnezar kwar mare ogolo e Hekalu man Jerusalem. Nodwaro ni en gi jodonge kaachiel kod monde gi monde mamoko ometh gi gigo.

Tim jo-Lawi 2:1

Ka ng’ato timo ni Ruoth Nyasaye misango mar cham, to nyaka ochiw mogo mayom, kendo ool mo kuome, mi omedie ubani.

Tim jo-Lawi 27:25

(Nengo ka nengo nopim gi shekel mitiyogo e tich Nyasaye. Shekel achiel romre gi gera piero ariyo.)

Tim jo-Lawi 27:3

Ng’ama dichwo ma hike ni e kind piero ariyo gi piero auchiel nowar gi shekel piero abich mag fedha, (ma gin shekel mitiyogo e tich Nyasaye.)

Zekaria 14:20

Chakre chieng’no, kata mana okode mag farese nogorie weche mawacho niya, ‘Mowal ni Ruoth Nyasaye,’ kendo agulni mitedogo e Hekalu nobed mowal ni tich Ruoth Nyasaye mana ka tewni mitiyogo e kendo-mar-misango.

Kwan 15:4

to ng’at machiwo misangono nyaka chiw bende misango mar cham mar mogo moromo kilo adek moruw gi mo lita ariyo.

Kwan 28:5

Misango mar cham michiwo kodgi to nobed mogo moromo kilo adek moruw gi mo maber moromo lita ariyo.

Kwan 29:6

Mago duto nyaka utim kumedo ewi misango miwang’o pep mitimo due ka due, kendo mitimo pile, kaachiel gi misengni mag cham gi miolo piny, michiwogigo kaka chik dwaro. En misango miwang’o mondo odum tik mamit ni Ruoth Nyasaye.

Kwan 3:47

omiyo nyaka uwar joma odong’go gi shekel abich abich, kipimo gi shekel mitiyogo e tich Nyasaye. (Shekel achiel romre gi gera piero ariyo.)

Kwan 7:12

Chieng’ mokwongo Nashon wuod Aminadab ma ja-Juda ema nokelo chiwo mare.

Kwan 7:14

Bende nochiwo kikombe mar dhahabu ma pekne shekel apar ma ubani pong’o,

Kwan 7:73

Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Mathayo 14:11

okelo koketo e tawo, mi omiyonyakono otero ni min mare.

Mathayo 14:8

To min nyako nosunde mondo okwa mana wi Johana Jabatiso okelne kanyo e tawo.