Kwan 7:10 - MUMA MALER 2015

¹⁰ Kane owir kendo-mar-misango gi mo, jodongo nokelo chiwogi e nyim kendono mondo owalego.

Motingʼo Loko Manyien

¹⁰ Kane osegwedh kendo mar misango, jotelo nokelo chiwo mag-gi mag gweth kendo nochiwgi e nyim kendo mar misango.

Kwan 7:10 ပူးပေါင်းရင်းမြစ်များ

1 Ruodhi 8:63

Solomon nochiwo ruedhi alufu piero ariyo gariyo, kod rombe alufu mia achiel gi piero ariyo, (120,000) kotimogo misengni mag sawo. Mano e kaka ruoth kod jo-Israel duto noyango Hekalu ni Ruoth Nyasaye.

2 Weche mag Ndalo 7:5

Ruoth Solomon notimo misango gi ruedhi alufu piero ariyo gariyo, kod rombe alufu mia achiel gi piero ariyo. Mano e kaka ruoth kod ji duto noyango Hekalu ni Ruoth Nyasaye.

2 Weche mag Ndalo 7:9

Chieng’ mar aboro ne gitimo sawo maduong’, nimar pwodho kendo-mar-misango notieko ndalo abiriyo, kendo sawo bende ndalo abiriyo.

Nehemia 12:27

E kinde mane orwakie ohinga mar Jerusalem, noluong jo-Lawi duto, kamoro amora mane gidakie, mi gibiro Jerusalem mondo giwer kendo gigo erokamano e nyasino, ka gigoyo ongeng’o gi nyigwerni kod thumbe mamoko.

Nehemia 12:43

Misango maduong notim chieng’no, kendo ji nobedo mamor nikech Nyasaye nosetimonigi gima omiyo gimor ahinya. Kata mana mon gi nyithindo bende nodoko mamor, kendo mahu mar mor mane otimore Jerusalem ne winjore gi kuma bor.

Zaburi 30:1

A Ruoth Nyasaye, adendi nikech isewara, kendo ok iseyie mondo wasika ogona siboi.

Kwan 7:1

Chieng’ mane Musa otieko chungoe Hema Maler, nowirogo gi mo mowale ni tich Nyasaye, kaachiel gi gige duto kod kendo-mar-misango gi gige duto.

Kwan 7:11

Ruoth Nyasaye nowacho ni Musa niya, “We jodongo ochiw michgo mar walo kendo-mar-misango ni tich Nyasaye, ka jaduong’ ka jaduong’ kelo michne chieng’ achiel achiel.”

Kwan 7:84

Gik mane jodong Israel ochiwo mondo owalgo kendo mar misango chieng’ mane iwire e magi: Nyilerni mag fedha apar gariyo gi tewni mag fedha apar gariyo kod kikombe mag dhahabu apar gariyo.

Kwan 7:88

Kar romb jamni mitimogo misango mar sawo ne ruedhi piero ariyo gang’wen gi imbe piero auchiel gi nywogi piero auchiel kod nyiimbe oiero auchiel ma hikgi achiel achiel. Mago e gik mane ochiw mondo owalgo kendo mar misango chieng’ mane iwire.

Rapar mar Chik 20:5

Jodongo bende nowach ni jolweny niya, ‘Ka ng’at moro kuomu osegero ot manyien, to pok orwako, onego odog dala, nimar dipo ka otho e lweny, mi ng’at machielo ema orwako odno.