Kwan 6:24 - MUMA MALER 2015

²⁴ ‘Ruoth Nyasaye mondo oguedhu kendo oritu,

Motingʼo Loko Manyien

²⁴ “ ‘Jehova Nyasaye mondo ogwedhu kendo oritu;

Kwan 6:24 ပူးပေါင်းရင်းမြစ်များ

Chakruok 28:15

Anabed kodi, kendo anariti kamoro amora midhiye, nyaka adwoki e pinyni. Ok naweyi ka pok atimoni gima asewachoni.”

2 Samuel 7:29

Emomiyo koro, A Ruoth Nyasaye, yie iguedh dhooda mondo osik e nyimi nyaka chieng’. In Ruoth Nyasaye ema isesingori kamano, omiyo dhooda noyud gueth nyaka chieng’.”

Zaburi 134:3

Onego Ruoth Nyasaye ma jachuech polo gi piny guedhu gi e Sayun.

Zaburi 17:8

Rita mana kaka dirit wengeni iwuon, kendo panda e tipo bwombeni,

Zaburi 28:9

A Ruoth Nyasaye, war jogi ma mwanduni iwuon kendo iguedhgi. Bed jakwadhgi, kendo iritgi nyaka chieng’.

Zaburi 91:11

Nyasaye biro keto malaikane mondo oriti, kendo okonyi kamoro amora midhiye.

Isaya 27:3

To an Ruoth Nyasaye e jaritne, kendo akelone pi pile mondo kik pot mzabibu lwar. Arite gotienoo kendo godiechieng’,

Isaya 42:6

“An Ruoth Nyasaye, aseluongi ni mondo itim gima kelo resruok. Asemako lweti mondo ariti, kendo anami ibed ng’at ma kelo singruok e kinda gi ji,

Daniel 9:17

A Nyasachwa, winj lemona gi ywakna, kendo iguedh Hekalu mari mane okethore, mondo oger. Kamano mondo ng’ato ka ng’ato ong’e ni in e Nyasaye.

Johana 17:11

An koro ok anie piny, nimar abiro iri. To gin pod ginie piny. A Wuoro Maler, ritgi gi teko mar nyingi ma isemiya, mondo gibed achiel, mana kaka wan kodi wan achiel.

1 Jo-Korintho 14:16

Ka igoyo ni Nyasaye erokamano mana gi chunyi, ka idhum gi Roho, to ere kaka ng’ato ang’ata mobet e chokruokno diwach ni, ‘Amin’, bang’ erokamano migoyono, ka ok ong’eyo tiend gima iwacho?

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

Jo-Filipi 4:23

Ng’wono mar Ruodhwa Yesu Kristo obed kod chunyu.

Jo-Filipi 4:7

Eka kue mar Nyasaye modhiero ji ng’eyo norit chunyu gi parou, kubedo kuom Kristo.

1 Jo-Thesalonika 5:23

Nyasaye owuon ma wuon kue mondo omi ubed maler chutho, kendo orit chunyu gi ngimau kod ringreu, mondo ka Ruodhwa Yesu Kristo obiro, to ubed joma onge bura chuth.

1 Petro 1:5

Adier obiro ritou nyaka chop warruok, ma oselosi mondo oel e chieng’ giko, bi.

Juda 1:24

Wapakuru Jal manyalo ritou mondo kik upodhi, kendo manyalo miyo uchung’ e nyim duong’ne maler kumor kendo kuonge ketho.

Ruth 2:4

To bang’e Boaz nobiro e puothe, koa Bethlehem, momoso jokeyo niya, “Ruoth Nyasaye obed kodu!” Ne gidwoke ni, “Ruoth Nyasaye oguedhi!”

1 Samuel 2:9

Orito tiend joge ni kik chwanyre, to joricho lal e mudho, nikech teko ng’ato owuon ok nyal miye loch.