Kwan 6:20 - MUMA MALER 2015

²⁰ Eka jadolo nochiwgi ni Ruoth Nyasaye ka mich moyiedhi. Lemogo kaachiel gi agoko kod em michiwo ni Ruoth Nyasaye ka mich moyiedhi, gin gik maler, omiyo gidong’ ni jadolo. Bang’ timo mago duto, ja-Nazirno koro nobed gi thuolo mar madho divai.

Motingʼo Loko Manyien

²⁰ Bangʼ mano jadolo noliergi e nyim Jehova Nyasaye kaka misango mifwayo; kaachiel gi agoko kod em mane olier nimar gin gik mopwodhi kendo gin mek jadolo. Bangʼ timo kamano, ja-Nazir koro nyalo mana madho divai.

Kwan 6:20 ပူးပေါင်းရင်းမြစ်များ

Eklesiastes 9:7

Emomiyo cham achama chiembi mondo ibed mamor, kendo madh amadha kongi mondo iwinj maber, nikech Nyasaye oseyie gi gik moko mitimo.

Isaya 25:6

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.

Isaya 35:10

Adier, joma Ruoth Nyasaye osereso noluw yorno, ka duogo dala. Ginidonj Sayun ka gikok gi mor kendo ka giil, to kuyo gi parruok nolal nono.

Tim jo-Lawi 10:15

Em kod agoko nyaka kel kaachiel gi boche mag misengni miwang’o ni Ruoth Nyasaye, mondo obed mich moyiedhi michiwo ni Ruoth Nyasaye. To bang’e em gi agoko nodong’ni gi nyithindi kaka poku mosiko nyaka chieng’, nikech Ruoth Nyasaye ochiko kamano.”

Tim jo-Lawi 23:11

Jadolo nochiwgi e nyim Ruoth Nyasaye ka mich moyiedhi chieng’ moluwo sabato mondo Ruoth Nyasaye oyie kodu.

Tim jo-Lawi 7:30

En owuon nokel ni Ruoth Nyasaye boche miwang’o gi mach, kod agoko ma iyiego e nyim Ruoth Nyasaye.

Tim jo-Lawi 7:31

Jadolo nowang’ bochego e kendo-mar-misango, to agoko nodong’ ni Harun gi yawuote.

Tim jo-Lawi 7:32

Bende unumi jadolo em ma korachwich mar chiayo ka chiayo motimgo misango mar sawo.

Tim jo-Lawi 7:34

Agoko kod em mag chiayo ka chiayo ma jo-Israel timogo misengni mag sawo, amiyo Harun jadolo kod yawuote mondo obed mich moyiedhi migolo kuom jo-Israel nyaka chieng’.

Tim jo-Lawi 9:21

Harun nokawo agoko gi em ma korachwich, mi ochiwo e nyim Ruoth Nyasaye ka mich moyiedhi, kaka Musa nochiko.

Zekaria 10:7

Jo-Israel nochal gi jolweny marateke, bende ginibed moil ka joma ometho. Nyithindgi none kamano, mi bed mamor, kendo ginipak Ruoth Nyasaye gi ilo.

Zekaria 9:15

Ruoth Nyasaye Manyalo Gik Moko Duto ema nobed okumbagi mi ginilo lweny ka ginyono kite mag orujre piny. Ginigo koko ka joma omer, mi ginineg ji, mi rembgi chuer mana ka remb misango miolo gi tawo e tunge mag kendo-mar-misango.

Zekaria 9:17

Mano kaka gin gi mwandu mogundho kod mor maduong’! Cham gi divai biro miyo yawuotgi gi nyigi bed gi del mabeyo.

Kwan 18:18

Ringgi to nodong’nu mana kaka agoko gi em ma korachwich mag mich moyiedhi dong’nu.

Kwan 5:25

Jadolo nokaw misango mar cham mitiekogo chich e lwet dhakono, mi nochiwe e nyim Ruoth Nyasaye ka mich moyiedhi. Bang’ mano nokel mogono e kendo mar misango,

Kwan 6:21

“Mano e chik momako ja-Nazir ma osekwong’ore, kendo mano e misango ma nyaka otim ni Ruoth Nyasaye kuom walruokne, ka ok okwan gik mamoko ma onyalo chiwo. Nyaka ochop kuong’ruokne duto, kaluwore gi chik mar walruokne.”

Mathayo 26:29

Awachonu ni chakre kawuono ok nachak amadh divai ngang’ nyaka chop amadh divai manyien kodu e piny Wuora.”

Mariko 14:25

Adier awachonu ni, chakre kawuono ok nachak amadh divai ngang’ nyaka chop amadh divai e piny Ruodh Nyasaye.”

Johana 19:30

Kane Yesu osenyodhe, nowacho ni, “Tija duto koro orumo!” Eka nolung’o wiye, moweyo chunye owuok, mi otho.