Kwan 6:15 - MUMA MALER 2015

¹⁵ gi odheru moting’o makati ma ok ketie thowi, moted gi mo, kod chapati ma bende ok ketie thowi, mowir gi mo kaachiel gi misengni mag cham kod misengni miolo piny, kaka chik dwaro.

Motingʼo Loko Manyien

¹⁵ kaachiel gi chiwo mar cham kod misango miolo piny, kod okapu mopongʼ gi makati ma ok oketie thowi kaka kek molos gi mogo mayom moru gi mo, kod chapat mowir gi mo.

Kwan 6:15 ပူးပေါင်းရင်းမြစ်များ

Wuok 29:2

Bende ikaw makati, kek moted gi mo, kod chapat mowirie mo. Magi duto nyaka los gi mok ngano mayom, ma ok oketie thowi.

Isaya 62:9

To jogo mosekeyo ema nocham cham ma gisekayo, kendo ginipak Ruoth Nyasaye. Bende jogo mosepono olemb mzabibu nomadh divai e laru mar Hekalu mara.”

Joel 1:13

Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Joel 1:9

Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Tim jo-Lawi 2:4

Ka ichiwo gima otedi mondo otimgo misango mar cham, to nyaka obed makati matindotindo ma ok ketie thowi, molos gi mogo mayom modwal gi mo, kata chapat ma ok ketie thowi, mowir gi mo.

Tim jo-Lawi 7:12

Ka ng’ato ochiwe ka gir erokamano, to nyaka omedie makati ma ok oketie thowi, moted gi mo, gi chapat maonge thowi mowirie mo, kod kek matindotindo moted gi mogo mayom, modwal gi mo.

Tim jo-Lawi 8:2

“Kaw Harun gi yawuote kendo kaw lep dolo gi mor wir gi rwath mitimogo misango mar golo richo gi imbe ariyo kod odheru moting’o makati ma ok ketie thowi,

Tim jo-Lawi 9:4

kendo gikaw rwath gi im mondo otimgo misengni mag sawo e nyim Ruoth Nyasaye, kaachiel gi misango mar cham moruw gi mo, nimar Ruoth Nyasaye biro fwenyorenu tinende.”

Kwan 15:10

kod divai moromo lita ang’wen mondo otimgo misango miolo piny. Gigo duto nobed misango miwang’o mondo odum tik mamit ni Ruoth Nyasaye.

Kwan 6:16

Jadolo nochiw gigo duto e nyim Ruoth Nyasaye, eka notim ni ng’atno misango mar golo richo kod misango miwang’o pep.

1 Jo-Korintho 10:31

To adwoko penjono ni, ka uchiemo kata umetho kata utimo gimoro amora, to timuru kamano mana ni mondo omi Nyasaye duong’.

1 Jo-Korintho 11:26

Kamano e kinde ka kinde ma uchamoe makatino, kendo umetho e kikombeno, to tho Ruoth ema uhulo nyaka chop obi.