Kwan 6:14 - MUMA MALER 2015

¹⁴ kendo nochiw ni Ruoth Nyasaye nyaim ma hike achiel maonge songa mondo otimgo misango miwang’o pep, gi rombo swini maonge songa mondo otimgo misango mar sawo,

Motingʼo Loko Manyien

¹⁴ E dhorangach kanyo ema nyaka ochiwe misangone ne Jehova Nyasaye ma gin: nyaim ma hike achiel maonge songa kaka misango miwangʼo pep, sibini ma hike achiel maonge songa kaka misango migologo richo; im maonge songa kaka chiwo mar lalruok,

Kwan 6:14 ပူးပေါင်းရင်းမြစ်များ

1 Weche mag Ndalo 15:26

Ne gitimo misango gi ruedhi abiriyo kod imbe abiriyo, nimar Nyasaye ne konyo jo-Lawi ma noting’o Sandug Muma mar Ruoth Nyasaye.

Zaburi 66:15

kendo iro mar imbe miwang’o nodumni mamit ka ubani.

Tim jo-Lawi 14:10

Chieng’ mar aboro nyaka okel imbe ariyo ma hikgi achiel achiel, kod rombo ma swini ma bende hike achiel. Jamnigo duto nyaka bed maonge songa. Bende nokel mogo moromo kilo apar moruw gi mo, mondo otimgo misango mar cham, kaachiel gi mo moromo nus lita.

Tim jo-Lawi 3:6

Ka ng’ato chiwo diel kata rombo mondo otimgo ni Ruoth Nyasaye misango mar sawo, to nyaka obed ma dichwo kata ma dhako maonge songa.

Tim jo-Lawi 4:27

Ka ng’ato ang’ata oketho chik moro amora mar Ruoth Nyasaye ma Nyasache kokia, mi odoko jaketho,

Tim jo-Lawi 4:32

Ka ng’ato ochiwo rombo mondo otimgo misango mar golo richo, to nyaka obed rombo ma nyaburi maonge songa.

Kwan 15:27

“To ka ng’at achiel kende ema oketho ka kia, to nyaka ochiw diel swini ma hike achiel, mondo otimgo misango mar golo richo,

1 Petro 1:19

to nowaru gi remo ma nengone tek mar Kristo, mane ochiw ka nyarombo motimgo misango ma onge songa kata mbala.