Kwan 5:18 - MUMA MALER 2015

¹⁸ Kosekelo dhakono e nyim Ruoth Nyasaye, to nogony yie wiye, eka noket misango mar cham mifwenyogo adiera e lwete. En misango mar cham mitiekogo chich. To jadolo noting pi mar muma mafwenyo adiera e lwete owuon.

Motingʼo Loko Manyien

¹⁸ Bangʼ ka jadolo osekelo dhakono mochungʼ e nyim Jehova Nyasaye, enogony yie wiye eka noket chiwo mifwenyogo adiera e lwete ma en chiwo mar cham mitiekogo chich. Jadolo to notingʼ pi mar muma mifwenyogo adiera e lwete owuon.

Kwan 5:18 ပူးပေါင်းရင်းမြစ်များ

Ngeche 5:4

to achien enochalni kwiri mager kata ka ligangla mabith!

Eklesiastes 7:26

Ne ayudo ka dhako kech moloyo tho. Herane nyalo maki mana ka obadho kata ka tol, kendo bade ma okwakigo tueyi mana ka nyororo! Ng’at mohero Nyasaye to nyalo tony mak omako. Jaricho to ok nyal yombe.

Isaya 38:17

Chutho, koro aseneno ni chandruok duto mane aseyudo konya, nimar iseresa e tho nikech herani. Bende isewito richona duto ka dieng’eyi.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Tim jo-Lawi 13:45

Ng’at man gi tuo mar dhoho norwak lewni moyiech, kendo wiye bende nowe mak ogolo. Noum dhoge gi yo ka malo, kendo noywag niya, “Abet mogak! Abet mogak!”

Kwan 5:15

to nyaka chwore tere ir jadolo, bed ni dhakono osedwanyore adier, kata chwore chich mana kode kayiem. Chwore nyaka kel mogo mayom moromo kilo abiriyo kaka chik dwaro, to kik oolie mo, bende kik oketie ubani, nimar en misango mar cham mitiekogo chich, tiende ni misango mifwenyogo adiera.

Kwan 5:17

eka notwom pi maler gi tawo, kendo nojuk lop dier ot mar Hema Maler, mi noruw gi pigno.

Kwan 5:19

Bang’ mano nomi dhakono kuong’re, kowachone niya, ‘Ka ng’ato ok oseterore kodi, kendo ok iseketho kidwanyori, to in chi chwori, to pi mar muma mafwenyo adierani kik hinyi.

Kwan 5:22

Pigni mondo odonj e iyi, kendo omi iyi okirre, kata omi ibuog nyathi ka kindeni mar nywol pok ochopo.’ Ka jadolo osemiyo dhakono okuong’ore kamano, to dhakono nodwok ni, ‘Obed kamano.’

1 Jo-Korintho 11:15

Dhako to ka nigi yie wich maboyo to mano kelone duong’. Osemiye yie wich maboyo mondo odok raum wiye.

1 Jo-Korintho 11:6

Ka dhako ok oumo wiye, to ber mondo ong’ad yie wiye. To ka ng’ado yie wich kata lielo wich kuodo wi dhako, to ber mondo oum wiye.

Rapar mar Chik 29:18

Kapo ni nitie ng’ato kuomu ma dichwo kata ma dhako, kata ka nitie joot kata dhoot moro madwaro weyo lamo Ruoth Nyasaye ma Nyasachwa, mondo odhi olam nyiseche mag ogendini mamoko, to mano nyalo bedone chakruok mar masira gi lit.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.

1 Samuel 15:32

Samuel nowacho niya, “Kelnauru Agag, ruodh jo-Amalek.” Mi Agag nobiro ire gi mor, koparo ni koro ok obi tho.